Bleona Qereti nominon kolegët: Publikoni klipet para operacioneve

Vetë-izolimi ka bërë që njerëzit nga e mbarë bota këto ditë të kenë më shumë kohë për të kaluar në botën virtuale.

Në rrjetet sociale kanë nisur sfida të ndryshme, që nga publikimi i fotografive të vjetra e deri te videot sensibilizuese për vetëdijësimin rreth kujdesit nga përhapja e COVID-19.

Duket se një sfidë të re dhe shumë interesante e ka nisur edhe këngëtarja Bleona Qereti, e cila ka ndarë me fansat në rrjetin social Instagram klipin e saj shumë të pëlqyer të vitit 2006, “Hallall e ke”.

Në mbishkrimin e kësaj videoje, Qereti shkruan se nominon të gjithë kolegët e saj që të bëjnë të njëjtën gjë, duke publikuar klipet e vjetra.

Lexo po ashtu Të gjitha lajmet nga Estrada Shqiptare

Ajo madje shkruan se kjo sfidë vlen posaçërisht për ata që do të publikojnë klipet para kryerjes së ndërhyrjeve estetike.

View this post on Instagram

Pak nostalgji ne ditet e karantines. Nominoj te gjithe koleget te nxjerrin videot para kohes se operacioneve plastike dhe fillers. Gjithesesi ju lutem #papanik ❤️ #Bleona #tbt date 9/1/2006

A post shared by Bleona (@bleona) on Mar 19, 2020 at 1:27pm PDT

“Pak nostalgji në ditët e karantinës. Nominoj të gjithë kolegët të nxjerrin videot para kohës së operacioneve plastike dhe fillerave. Gjithesesi ju lutem pa panik”, ka shkruar Bleona në Instagram.

E njëjta po vazhdon të shijojë suksesin e këngës më të fundit “Haters”, të cilën e solli në bashkëpunim me Bes Kallakun. /Telegrafi/