LAJMI I FUNDIT:

Biblioteka britanike heq dorë nga gjoba për librin e vonuar 58 vjet

Biblioteka britanike heq dorë nga gjoba për librin e vonuar 58 vjet
Ilustrim

Një bibliotekë britanike tha se një klienti nuk do të ngarkohet me tarifa të vonesës prej rreth 48,173 eurove (52,400 dollarë) pasi të kthejë një libër që ishte 58 vjet i vonuar.

David Hickman, 76 vjeç, tha se kishte marrë një libër të quajtur Ligji për shoferët nga Biblioteka Dudley në vitin 1964, kur po përgatitej të shkonte në gjykatë për të mbrojtur veten kundër një akuze të vogël trafiku.

Hickman tha se libri nuk ishte shumë i dobishëm në këtë rast dhe ai përfundoi duke paguar një gjobë të vogël për ngasje pa kujdesin dhe vëmendjen e duhur, transmeton Telegrafi.

Burri tha se e mori libri me vete kur ai u transferua në Londër në vitin 1970. “Unë e hasja herë pas here dhe mendoja “duhet ta kthej atë herën tjetër që të shkoi në Dudley’,” deklaroi Hickman për UPI.

Bibliotekarët thanë se vendosën të heqin dorë nga tarifa e vonesës prej rreth 25 centëve në ditë, duke e shpëtuar atë nga një gjobë prej rreth 48,173 eurove (52,400 dollarë).

Bibliotekarja e Dudley, Sharon Whitehouse, tha se libri së shpejti mund të ketë një shtëpi të re në Muzeun Black Country. /Telegrafi/