Besimi: Në tremujorin e fundit të vitit pritet përshpejtimi i realizimit të shpenzimeve kapitale

Shpenzimet kapitale me 11 shtator janë realizuar në vlerë prej 26 miliardë denarë, ose që është një rritje prej 136% në krahasim me vitin e kaluar. Vazhdimisht po punohet për rritjen e shumës për shpenzime kapitale në buxhet, por edhe për përmirësimin e realizimit të tyre, për shkak të efektit të tyre shumëfishues në ekonomi, theksoi ministri i Financave, Fatmir Besimi.

Besimi për “TVM” theksoi se ridrejtimi i një pjese të mjeteve nga shpenzimet kapitale me rishpërndarjen në Buxhet, për rritjen e pagave në sektorin publik dhe pensionet, është nga projektet ku e lejon dinamika e realizimit, si dhe se kursimet e konsiderueshme me rishpërndarja bëhet edhe në artikullin dhe shërbimin e mallrave.

Ministri tha se në vitet e fundit janë futur disa mekanizma buxhetor për përmirësimin e realizimit të shpenzimeve kapitale nga institucionet. Një prej tyre është mekanizmi KAPEF, me të cilin vendosen objektiva tre mujorë dhe nëse zbatimi dështon, institucionet rezervojnë fondet për kapitalin që nuk i kanë shfrytëzuar.

“Duhet theksuar se gjatë rishpërndarjes së buxhetit zërat e projekteve individuale reduktohen sipas dinamikës së realizimit. Këto janë kryesisht fonde nga programet e zhvillimit përmes kreditorëve të huaj. Nëse në fund të vitit dinamika e zbatimit përshpejtohet, fondet do të tërhiqen”, tha ministri i Financave.

Ai gjithashtu thekson se në tremujorin e fundit të vitit, si çdo vit, pritet një përshpejtim i realizimit të shpenzimeve kapitale./Telegrafi/