Federico Bernardeschi ishte ndër lojtarët më të mirë në rikthimin sensacional që bëri Juventusi para një jave duke e eliminuar Atletico Madridin nga Liga e Kampionëve.

Por, padyshim më meritori për këtë ishte Cristiano Ronaldo, i cili realizoi tre gola, por festimi i tij pas ndeshjes ka hapur shumë polemika, aq sa UEFA ka nisur procedurë disiplinore ndaj portugezit.

Bernardeschi beson se Ronaldo nuk do të suspendohet për ndonjërën nga ndeshjet ndaj Ajaxit, në të kundërt, sipas tij, do të ishte çmenduri e vërtetë.

“Nuk mendoj se duhet të ketë një dënim. Nuk është diçka që meriton shumë vëmendje, një dënim për atë gjë do ishte çmenduri”.

Të gjitha lajmet nga Cristiano Ronaldo Të gjitha lajmet nga Cristiano Ronaldo

“Ishte thjesht një festim. Ronaldo është i qetë ashtu si pjesa tjetër e skuadrës”, ka deklaruar Bernardeschi, transmeton KP.

Një festim të ngjashëm e kishte bërë edhe Diego Simeone në ndeshjen e parë që Atletico e kishte fituar ndaj Juves dhe argjentinasi ishte dënuar vetëm me para.