Befasitë pozitive në njësinë zgjedhore numër 2 në Maqedoni
Tani po merr fund ora e trashëgimtarëve, e aventurierëve, e vjedhësve, e spekulantëve dhe e hipokritëve, e pseudogjeneralëve dhe pseudokomandantave dhe e parave me thasë, e bashkëpunëtorëve dhe puthadorëve. Po vije ora e shtresës së re.
Me padurim pritnim shpalljen e listave të partive politike shqiptare. Këtë moment besoj ta ketë pritur çdo shqiptarë në Maqedoni, po edhe gjetiu. Kësisoj në listat e partive politike shqiptare, pamë figura të ndryshme të vjetra, po kishte edhe freskime me fytyra të reja, gjë që është për tu përshëndetur. Andaj me të vërtetë filluam të ndryshojmë bindjen e akumuluar për vite me radhë se në listat për deputetë të partive politike shqiptare na shfaqen figurat Deja-vu, figura të harxhuara dhe të paafta dhe të konsumuara kombëtarisht.
Të gjithë përcollëm shpalljen e listave zgjedhore dhe kandidatëve për deputetë nga ana e partive politike shqiptare në të gjitha zonat, (po ku dhemb dhëmbi aty shkon gjuha), andaj me padurim ndoqëm edhe shpalljen e listës së kandidatëve në njësinë zgjedhore numër dy.
Lista zgjedhore numër 2 nga ana e partisë shqiptare në pushtet (BDI-së) nuk solli kurrfarë risie, përpos fytyrave të njëjta, të cilët na kanë lodhur nëpër media me paraqitjet e tyre dhe mossukseset e tyre. Kësisoj shpallja e zonjës së nderuar Ermira Mehmeti, si kandidate bartëse e njësisë zgjedhore numër 2, tregoi se kjo parti në vend që të nxjerr kandidatë që për së afërmi i dinë hallet dhe problemet e kësaj njësie zgjedhore, ajo shpall një kandidate që nuk ka lidhje dhe informata për dertet dhe hallet e banorëve të po kësaj njësie.
Ajo çka na befasoi për të mirë, ishte shpallja e emrave të kandidatëve në zonën zgjedhore numër 2, nga ana e partisë së posaformuar RDK-së. Shpallja e Selver Jasharit dhe të tjerëve që kanë një profil të ngritur shkencor dhe jo të dyshuar, si bartës liste, riktheu shpresën e këtyre banorëve se më në fund koha e njerëzve të vërtetë ka filluar të vijë, ndërsa era e ndryshimeve është ke pragu i derës, po duhet hapur derën.
Selver Jashari, njeriu që ishte drejtor i spitalit të Kumanovës, i njohur për veprimet e tija kombëtare, si ish i burgosur politik, ish ushtarë i Ushtrisë Çlirimtare të Kosovës si dhe njeri promotorë i ndryshimeve ishte befasia e parë pozitive që iu servua njësisë zgjedhore numër 2. Ky njeri të cilin jo që e kam personalisht mik e tani duhet ta mbrojë, po me të vërtetë është njeriu meritor i cili meriton të jetë pjesë e foltores së parlamentit të Maqedonisë dhe t`i mbrojë interesat e popullatës së zonës zgjedhore numër 2, të cilët vite me radhë kanë qenë në mëshirë të fatit.
Befasia e radhës e cila kuptohet ishte më pozitivja për banorët e asaj zone zgjedhore, ishte kandidimi i Orhan Ibrahimi dhe të tjerëve. Orhan Ibrahimi kandidat ky i Partisë Demokratike Shqiptare, një njeri mjaft i guximshëm dhe patriot. Kësisoj dalja e tij dhe fitorja e tij e sigurt, na ngjalli shpresat se më në fund edhe kësaj njësie zgjedhore do t`i dalë ndokush në mbrojtje, do të kontribuojë në zbutjen e varfërisë dhe varfërive tjera që dominojnë gjetiu. Në sytë e qytetarëve shqiptarë të kësaj njësie zgjedhore, e posaçërisht në Kumanovë dhe Likovë, mundet të shihej shumë lehtë një qetësi shpirtërore dhe fizike tek njerëzit. Orhan Ibrahimi, meriton të jetë deputet i popullit nga zona zgjedhore numër 2 për këto arsye:, e para, ai vjen nga një familje me një bagazh të madh kombëtar dhe intelektual, ku familja ku bën pjesë ai është njëra prej familjeve më të shkolluara në atë zonë.
E njohur për persekutimet e vazhdueshme dhe permanente nga ana e pushtetit, përfaqësuesit e kësaj familje, të gjithë të shkolluar, në momentet më të nxehta për shqiptarët, duke filluar nga viti 1968, 1981 e gjer në kohën e luftërave çlirimtare ka dhënë kontributin e pamohueshëm për shqiptarët e asaj ane. Shkollimi i avancuar dhe të arriturat e pjesëtarëve të familjes së Orhan Ibrahimit, mundësojnë një avantazh të madh të këtij njeriu përballë cili do qoftë tjetër. Performanca e tij e shkëlqyer si njeri, intelektual, dhe si patriot i mundëson atij fitoren e pamohueshme dhe të padiskutueshme. E kaluara e tij, duke qenë njëri ndër të parët që u kyç në Lëvizjet ilegale për Kosovën, angazhimi i tij në Luftën e Kosovës, kontributi i tij në aspektin kombëtar, bagazhi i tij intelektual dhe kombëtar, njeriu që nga Maqedonia, së bashku me ca të tjerë llogaritet si ndër të parët që patë rastin të jetë në organizime të celulave me kryelegjendarin shqiptarë, heroin kombëtar Adem Jasharin, i`a mundësojnë atij që të jetë në vendin, ku do të përfaqësojë popullin në mënyrën më të devotshme.
Andaj për së pari herë në njësinë zgjedhore numër 2 dy parti politike shqiptare opozitare, PDSH dhe RDK me dy bartësit e listës për deputetë në këtë zonë, meritojnë të kenë përfaqësues dy figura të respektuara kombëtare, intelektuale dhe të panjollosura, promotorë të ndryshimeve, njerëz të paluhatshëm, stoik dhe të vendosur, burra shqiptarë dhe jo servilë e poltronë, puthadorë e bukëshkalë, po guximtarë dhe patriotë të shquar dhe të dëshmuar.
Promo
Reklamo këtuLufta Prigozhin - Putin
Më shumëBëhen bashkë pas dy vitesh Blero e Afrona Dika
Alarmi i Alicia Kearns për Ballkanin, politologët komentojnë deklaratën e deputetes britanike
Nga qershori Aeroportit të Prishtinës i shtohet edhe një linjë e re fluturimi
Turqia ndalon të gjithë tregtinë me Izraelin për shkak të luftës në Gaza - vjen reagimi i Tel Avivit
Tri refuzimet që mori Bayern Munich – tani trajneri italian kthehet si opsioni i parë
U tha se do të vinte në Shqipëri për t'u takuar me Heidin në Big Brother - Massimiliano Varrese vjen me një mesazh në shqip
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit