Artistja shqiptare me famë ndërkombëtare, Bebe Rexha, po arrin çdo herë e më shumë të shënojë arritje të shumta në karrierë.

Së fundmi është zyrtarizuar nga shtëpia e madhe diskografike “Disney”, që ajo do të jetë interpretuesja e kolonës zanore të filmit “Maleficent 2”, i cili shënoi sukses të jashtëzakonshëm me pjesën e parë.

“You can’t stop this girl” mban titullin kolona zanore që Bebe Rexha do ta interpretojë, dhe tashmë ka përfunduar incizimi i saj.

Kënga është një baladë e luajtur në piano, gjersa këngëtarja me prejardhje shqiptare ka njoftuar se ajo do të publikohet këtë të premte, më 20 shtator.

Bebe Rexha i gëzohet dhuratave të Kim Kardashianit Bebe Rexha i gëzohet dhuratave të Kim Kardashianit

Balada tingëllon e ngadaltë dhe e zymtë, me çka do të jetë shoqërimi i përsosur për “Maleficent 2”.

Veçanërisht duke pasur parasysh që karakteri i Angelina Joliet raportohet se po përqafon anën e saj të errët kësaj here.

Kjo këngë i pason projektit shumë të suksesshëm “No 20 Anymore”, një këngë antike që Bebe Rexha e publikoi në ditëlindjen e saj të 30-të.

Bebe Rexha është femra më e ngarkuar në industrinë e muzikës. Kur ajo nuk po punon për muzikën e saj ose këngët artistike të punuar për artistë të tjerë, 30-vjeçarja me zë të lartë dhe krenare po ia jep zërin bashkëpunimeve të shtëpive të mëdha diskografike për filmat kryesorë.

E kritikoi për videon "twerk" që publikoi, Bebe Rexha i kundërpërgjigjet në shqip fanses E kritikoi për videon "twerk" që publikoi, Bebe Rexha i kundërpërgjigjet në shqip fanses

Historia e “Maleficent 2”: Një mbretëreshë e frikshme shkakton një përçarje midis Maleficent dhe Princeshës Aurora. Së bashku, ata duhet të përballen me aleatë dhe armiq të rinj në përpjekje për të mbrojtur tokat magjike që ata ndajnë.

Bebe Rexha (Foto: Dia Dipasupil/Getty Images/Guliver)

Roli kryesor i këtij filmi, ashtu si në pjesën e parë i është besuar aktores së famshme botërore, Angelina Jolie.

Duke u bërë pjesë e projekteve të tilla me rëndësi të lartë, Bebe Rexha, çdo ditë e më tepër po e dëshmon që është ndër artistet shqiptare më të suksesshme në rrafshin ndërkombëtar.

Premiera e “Maleficent 2” do të jepet më 18 tetor. /Telegrafi/