Mbrëmja e ndarjes së çmimeve “Grammy Awards 2020” do të zhvillohet më 26 janar në Qendrën “Staples” në Los Angeles.

Kësaj radhe, tri artistet e suksesshme shqiptare – Bebe Rexha, Rita Ora dhe Dua Lipa nuk kanë arritur që të jenë pjesë e nominimeve.

Megjithatë, Bleta (emri i vërtetë i Bebes) pritet të prezantojë një nga çmimet e “Grammy” dhe për këtë duket se mezi po pret.

“E ngazëllyer që do e ndajë këtë natë me bashkëmoshatarët e mi tejet të talentuar këtë vit në Grammys”, është përshkrimi që ia ka vënë fotos së publikuar në llogarinë e saj zyrtare, Instagram.

Gjithashtu, këngëtarja Rexha së bashku me Alicia Keys ishin të ftuara për të bërë shpalljen e nominimeve.

Të gjitha lajmet nga Grammy Awards Të gjitha lajmet nga Grammy Awards

Ndërkohë, artistja Lizzo kryesoi nominimet me gjithsej tetë të tilla, pasuar nga Billie Eillish dhe Lil Nas X me nga gjashtë secila.

Bebe Rexha bëri prezantimin e nominimeve për çmimet “Grammy Awards 2020” (Foto: Jamie McCarthy/Getty Images/Guliver)

Vitin e kaluar, Bebe Rexha e Dua Lipa u nominuan me nga dy çmime, madje kjo e fundit i fitoi të dyja çmimet në të cilat ishte e nominuar. /Telegrafi/