Në Salzburg, gjatë një ekspozite kushtuar 270-vjetorit të lindjes së Mozartit, janë vjedhur 210 nga 320 statuja të arta që paraqesin Mozartin me qenin e tij.
Statujat, të krijuara nga artisti gjerman Ottmar Horl, ishin vendosur në kopshtin përpara shtëpisë së dikurshme të Mozartit, në hapësirat e banimit dhe në disa pavijone.
Më shumë se 80 u zhdukën vetëm gjatë dy javëve të para.
Foto: AP
Horl dyshon se bëhet fjalë për vjedhje të organizuar, jo për veprime të rastësishme të vizitorëve.
Secila statujë ishte planifikuar të shitej pas ekspozitës për rreth 100 euro, ndaj vjedhja e tyre nuk përbën ndonjë pasuri të madhe.
Organizatorët kishin disa statuja rezervë, por jo aq sa për të zëvendësuar humbjen.
Ekspozita mbetet e hapur deri më 30 gusht.
Horl është shprehur se kjo nuk është hera e parë që veprat e tij vidhen: më parë, në Bayreuth, Gjermani, iu vodh e gjithë një ekspozitë me figura të kompozitorit Richard Wagner.
Mozarti lindi më 27 janar 1756 në Salzburg.
Përmes këtyre statujave, synoi të paraqiste anën më njerëzore të kompozitorit, duke e shfaqur atë bashkë me qenin e tij Pimperl. /Telegrafi/
