Paraqitjet mbresëlënëse të portierit të Brighton, Bart Verbruggen, kanë tërhequr vëmendjen e disa prej klubeve më të mëdha në Evropë.
Si rezultat, Bayern Munich do të përballet me konkurrencë të fortë në garën për transferimin e tij gjatë verës.
Gjiganti bavarez është fokusuar gjithashtu në objektivat afatgjata, duke kërkuar një zëvendësues të denjë për legjendën Manuel Neuer.
Në këtë drejtim, drejtuesit e klubit kanë ndjekur prej kohësh performancat e 23-vjeçarit Verbruggen në Brighton.
Sipas raportimeve nga CaughtOffside, Bayern nuk është i vetëm në këtë garë. Portieri holandez, i cili ka kontratë deri në qershor 2028, ka tërhequr interesin e disa gjigantëve evropianë.
Konkretisht, Arsenal, Chelsea, Inter dhe Paris Saint-Germain janë të interesuara për shërbimet e tij. Kjo e bën edhe më të vështirë misionin e Bayernit për të siguruar transferimin e portierit.
Nëse vendos të largohet, Verbruggen mund të shndërrohet në një nga shitjet më të mëdha të Brighton në vitet e fundit. /Telegrafi/
