Trajneri i Llapit, Tahir Batatina ka shpërthyer pas humbjes së madhe 1-4 në shtëpi nga Prishtina në ndeshjen e vlefshme për javën e 15-të në Ipko Superligën e Kosovës.

Batatina ka shpërthyer me kritika të ashpra për futbollistët e tij, sidomos për sulmuesin e ardhur nga Shqipëria, Sebino Plaku.

“Lojtarët u futën në ndeshjen sikurse e kanë të fituar ndeshjen. Lojtarët patën vetëbesimin e ndeshjes me Ballkanin, ndërkohë që kjo ndikoi që ne sot ta humbasim ndeshjen”, ka thënë fillimisht Batatina pas ndeshjes.

Prishtina demolon Llapin në udhëtim dhe i afrohet kryesuesve Prishtina demolon Llapin në udhëtim dhe i afrohet kryesuesve

“Kjo nuk iu falet lojtarëve, por në ditët në vijim do ta bëjmë analizën e lojës dhe të shohim se ku kemi gabuar. Na mungon një lider në repartin defansiv dhe një golashënues në repartin e sulmit”.

“Sebino Plaku është jashtë elementit për lojë, ai ka menduar që në Kosovë do ta ketë shumë lehtë, por këtu luhet futbolli shumë i fortë dhe ai nuk po mund të adaptohet”.

“Jemi munduar ta mbajmë ekipin me këmbë tokë, të shfaqim maksimumin, por nganjëherë gjërat nuk shkojnë ashtu siç e ke parashikuar”.

Dallku i lumtur me fitoren me dominim të Prishtinës ndaj Llapit Dallku i lumtur me fitoren me dominim të Prishtinës ndaj Llapit

“Gjërat na u kanë vështirësuar që nga lëndimi i Bujar Idrizit dhe portierit Bledar Hajdini, pozita të cilat vazhdojnë të jenë kyçe për ne, sidomos në portë. Nuk mund të them që fajtor kryesor është portieri, por neve na nevojitet një portier cilësor”, përfundoi trajneri i Llapit.

Llapi vazhdon të mbetet në pozitën e pestë të renditje me 24 pikë, por tani është shumë prapa kryesuesve që të dielën zhvillojnë ndeshjet e kësaj xhiro. /Telegrafi/