Bastoni dhe Calhanoglu konfirmojnë të ardhmen te Interi, gati nënshkrimi i kontratave të reja

Alessandro Bastoni dhe Hakan Calhanoglu ishin të dy të buzëqeshur pasi ndihmuan Interin të mposhtte Fiorentinën në finalen e Kupës së Italisë, duke konfirmuar të ardhmen e tyre në klub.

Nerazzurrët siguruan një fitore 2-1 ndaj Violës në Olimpico, me një dygolësh nga Lautaro Martinez në pjesën e parë që ktheu ndeshjen pas golit të hershem të Nicolas Gonzalez. Fitorja i siguroi klubit Kupën e nëntë të Italisë.

Përveç gëzimit të fitores, drejtuesit dhe tifozët e Interit kanë marrë lajme pozitive nga dy yjet e tyre, Bastoni dhe Calhanoglu, të cilët kanë konfirmuar të ardhmen me fanellën e Nerazzurrëve.

Ishte i pari Bastoni, i cili preku situatën e tij të kontratës me klubin zikaltër.

“Gjithmonë kam thënë se jam i lumtur këtu, nuk jam fshehur kurrë”.

“Klubi dhe unë jemi në të njëjtën linjë, nuk ka përfunduar ende, por me të vërtetë mendoj se do të vazhdojmë së bashku”, ka thënë Bastoni.

"ONE MORE" 🏆#ForzaInter #FiorentinaInter #CoppaItaliaFrecciarossa pic.twitter.com/XVPAOh2m9g

— Inter (@Inter) May 24, 2023

Përveç Bastonit, ishte edhe mesfushori turk që ka folur për të ardhmen e tij me Nerazzurrët.

“Nuk ka sekrete, jam shumë i lumtur që jam te Interi. Jam i lumtur që nga dita e parë, dashuria e tifozëve të Interit nuk shpjegohet”.

“Tashmë kemi rënë dakord dhe jemi shumë afër, jam i lumtur që mund të vazhdoj ëndrrën time këtu te Interi”, ka thënë Calhanoglu. /Telegrafi/

That's one very happy Hakan 😁#ForzaInter #FiorentinaInter #CoppaItaliaFrecciarossa pic.twitter.com/4hPmEmHCet

— Inter (@Inter_en) May 24, 2023