Barcelona ka fituar në udhëtim ndaj Eibarit me rezultat 4-0.
Gjiganti katalunas ka dominuar ndeshjen ndaj Eibarit pasi ka arritur të shënoj një fitore të thellë dhe të sulmoj gjatë tërë ndeshjes.
Goli i parë për skuadrën e Luis Enriques erdhi në minutën e 31-të, ku mesfushori i ri, Denis Suarez, shënoi një supergol nga rreth 25 metra për të kaluar skuadrën e tij në epërsi 1-0.
Në vazhdim të pjesës së parë, Barca kishte edhe shumë raste tjera për gol, por nuk arritën të shënojnë më gola dhe shkuan në pushim me këtë rezultat.
Në pjesën e dytë katalunasit u treguan edhe më të rrezikshëm, duke arritur të gjejnë edhe dy herë golin përball Eibarit.
Së pari ishte ylli argjentinas, Lionel Messi, i cili përmbylli një aksion perfekt në minutën e 50-të, të ndërtuar së bashku me Luis Suarezin.
Pas Messit, radha për gol i erdhi edhe Suarezit, i cili shënoi nga afërsia në minutën e 68-të për rezultat 3-0.
Deri në fund të ndeshjes pati edhe shumë raste të tjera për gol, por vetëm në minutat shtesë erdhi edhe goli tjetër nga Neymar, i cili vulosi rezultatin përfundimtar në fitoren e Barcelonës ndaj Eibarit me rezultat 3-0.
Pas kësaj fitore, Barcelona ka 41 pikë në vendin e tretë apo vetëm dy më pak se lideri, Real Madrid, ndërsa Eibar renditet e 10-ta me 26 pikë./Telegrafi/
https://twitter.com/Bhoomiraj/status/823272727670755328
