Barcelona është duke përgatitur një përgjigje lidhur me kërkesën e Lionel Messit, ndërkohë që janë nisur zërat që kërkojnë largimin e Josep Maria Bartomeut.

Associated Press ka raportuar se superylli argjentinas i ka dërguar letër me faks klubit, përmes të cilës ka kërkuar ndërprerjen e kontratës në Camp Nou.

Ai ka kërkuar aktivizimin e klauzolës që lejon largimin e tij në çdo fundsezoni, mirëpo nga klubi thonë se klauzola ka skaduar më 10 qershor, kështu që Messi është i lidhur edhe një vit me Barcën.

(Foto: Manu Fernandez/Pool via Getty Images/Guliver)

RAC1 raporton se Blaugranët janë duke përgatitur një përgjigje lidhur me kërkesën e 33-vjeçarit për t’u larguar nga klubi ku e zhvilloi gjithë karrierën profesionale deri më tani.

Reklama
Tifozët e Barcelonës tubohen afër Camp Nou, kërkojnë qëndrimin e Messit Tifozët e Barcelonës tubohen afër Camp Nou, kërkojnë qëndrimin e Messit

Kandidati presidencial i Barcelonës, Victor Font, ka kërkuar mbajtjen e zgjedhjeve të menjëhershme në rast se Bartomeu nuk jep dorëheqje.

Reklama

Font mund të nisë një mocion mosbesimi kundër presidentit aktual në momentin kur superylli më i madh në histori të klubit e ka kërkuar largimin. /Telegrafi/