Kryetar i Mitrovicës, Agim Bahtiri ka thënë se greva e minatorëve 30 vjet më parë, ishte në mbrojtje të ekzistencës së Kosovës.

Në një postim në rrjetin social Facebook, Bahtiri ka shkruar se rezistenca e minatorëve, ishte kundër presioneve ndaj shtetit serb.

“Sot nisi manifestimi “Java e Minatorëve” në shenjë përkujtimi të 30 vjetorit të Grevës së njohur të minatorëve, ku përkujtuam grevën e cila ishte mbajtur në mbrojte të ekzistencës së Kosovës në vitin 1989. Greva historike e minatorëve të “Trepçës” ishte shndërruar në rezistencë gjithë popullore demokratike e paqësore kundër presioneve të Serbisë për ta ripushtuar Kosovën”, ka shkruar Bahtiri, transmeton Telegrafi.

Bahtiri grevën e minatorëve e ka vlerësuar si një nga ngjarjet më të fuqishme drejt pavarësisë.

“Minatorët me atë grevë arritën që të mobilizojnë gjithë shqiptarët kudo që janë, që të kyçen në aktivitetet mbarëkombëtare për çlirim nga okupatori serb dhe kjo padyshim ishte një nga ngjarjet më të fuqishme dhe më të rëndësishme në rrugëtimin tonë shekullor drejt lirisë dhe pavarësisë”, përfundon postimi i Agim Bahtirit. /Telegrafi/