Djali i legjendës së basketbollit Michael Jordan, Marcus dhe ish-gruaja e ikonës së NBA, Scottie Pippen – njëherësh yll i seralit real televiziv “Real Housewives of Miami”, Larsa Pippen – janë në lidhje për rreth një muaj tani.

Reklama

Sipas burimeve të TMZ Sports, ata duken shumë të dashuruar dhe kalojnë shumë kohë së bashku në Miami.

48-vjeçarja, e cila ka qenë shoqja më e mirë e Kim Kardashian, e njohur edhe si mbretëresha e skandaleve dhe 31-vjeçari Marcus në fundjavën që lamë pas e kanë shijuar plazhin South Beach.

(Foto: Twitter/4thQuarterTV)

Megjithëse Larsa më parë kishte këmbëngulur se ishin thjesht miq, ata dukeshin si çift në plazh, ndërsa përqafoheshin para të gjithëve.

Reklama

Të pranishmit kanë pohuar se dyshja janë përqafuar nën çadër dhe se nuk kanë munguar puthjet. TMZ Sports gjithashtu raportoi më parë se bukuroshja është parë duke u puthur me Marcus edhe gjatë një shëtitje në New York.

Reklama

Po ashtu, burime të Page Six kanë treguar se i kanë parë duke festuar së bashku deri në orët e para të mëngjesit në një klub nate në Miami dhe pastaj ishin larguar bashkë.

Scottie Pippen dhe Michael Jordan kanë luajtur bashkë në Chicago Bulls dhe kanë fituar gjashtë tituj të NBA gjatë tetë viteve. Më pas Jordan shkoi te Washington Wizards deri në fund të karrierës, kurse Pippen ndërroi disa klube duke filluar me Houston Rockets e Portland Trail Blazers.

Reklama

(Foto: NBA)

Tashmë edhe Larsa Pippen e ka thyer heshtjen për lidhjen me të dashurin 17 vjet më të ri. Ajo iu është përgjigjur kritikave se është lidhur qëllimisht me djalin e Jordan për t’iu hakmarrë ish-bashkëshortit.

“Jam takuar me të para tre vitesh, asnjëherë nuk e kam njohur atë ose familjen e tij. Kam qenë 21 vjeçare dhe në kolegj kur Scottie e ka zhvilluar atë vit me MJ dhe nuk kemi qenë miq me ta, siç mendojnë të gjithë”, ka komentuar Larsa, e cila ishte martuar me Pippen në vitin 1997 (vitin e fundit të tij të Bulls).

Reklama
Reklama

Çifti u e finalizoi shkurorëzimin në vitin e kaluar duke i dhënë fund martesës 24 vjeçare. /Telegrafi/