Atalanta ka shënuar fitore ndaj Napolit në ndeshjen kthyese të gjysmëfinales së Kupës së Italisë me rezultat 3-1.

Me këtë fitore bergamasit kalojnë në finale ku do të takohen me Juventusin.

Skuadra e Gianpiero Gasperinit e nisi më mirë takimin, pasi kaloi në epërsi që në minutën e 10-të, kur Duvan Zapata shënoi për 1-0.

Vetëm shtatë minuta më vonë Matteo Pessina shënoi për t’i ngritur shifrat në 2-0.

Në pjesën e dytë u mendua që Napoli do të kthehet në lojë me golin e Hirving Lozano (2-1), por ishte gjithçka çfarë mundën të bënin napolitanët.

Kjo pasi Pessina shënoi për 3-1 në minutën e 78-të.

Berat Gjimishiti te Atalanta luajti gjithë ndeshjen, ndërsa te Napoli i plot për 90 minuta ishte Amir Rrahmani, pasi Elseid Hysaj u zëvendësua në pjesën e parë. /Telegrafi/