Belgjika fitoi me rezultat 5-1 përballë Islandës në ndeshjen e vlefshme për Ligën e Kombeve, ndërsa asistimi i Kevin De Bruyne tregoi se çfarë lojtari i veçantë është ai.

Pas një sezoni të mrekullueshëm në Ligën Premier, 29-vjeçari u rikthye te përfaqësuesja e tij duke asistuar në dy nga pesë golat e shënuar.

Ndërsa vëmendje më të madhe ka marrë asistimi në golin debutues të Jeremy Doku me skuadrën e Belgjikës që edhe e vendosi rezultatin përfundimtar të takimit.

Xhaka një nivel tjetër, ndaj Gjermanisë bëri një nga pasimet më të mira që mund të keni parë ndonjëherë Xhaka një nivel tjetër, ndaj Gjermanisë bëri një nga pasimet më të mira që mund të keni parë ndonjëherë

Ky pasim dëshmoi edhe një herë se De Bruyne i sheh hapësirat që nuk i shohin lojtarët tjerë.

Akoma pa e pranuar topin në mes të fushës, lojtari i Manchester Cityt veçmë e kishte skanuar vrapimin e bashkëlojtarit në krah dhe kur e mori topin nën kontroll e kishte të qartë se ku do ta dërgonte.

Ekzekutimi i pasimit të tij përfundoi prapa mbrojtësve dhe në këmbët e Dokut dhe 18-vjeçari e përfundoi në mënyrën më të mirë të mundshme. /Telegrafi/