Arteta zbulon se ka një plan për të minimizuar rrezikun që i kanoset Arsenalit nga Palmer

Trajneri i Arsenalit, Mikel Arteta, ka thënë se ai ka hartuar një plan për të minimizuar rrezikun nga Cole Palmer teksa ‘Topçinjtë’ do të synojnë rikthimin tek fitoret në derbin londinez ndaj Chelseat.

Arsenali do të udhëtojë në ‘Stamford Bridge’ të dielën për përballjen me Chelsean, takim ky që e zë në një formë jo të mirë pasi ata kanë humbur dy ndeshje radhazi ndaj Newcastle në Ligën Premier dhe ndaj Interit në Ligën e Kampionëve.

Arteta dhe lojtarët e tij tashmë e dinë se në rast se nuk arrijnë t’i marrin pikët e plota do të jetë tejet e vështirë që të konkurrojnë për titull këtë sezon.

Forma e luhatshme e Arsenalit së fundmi ka bërë që ata të mos arrijnë një fitore në Ligën Premier që prej triumfit me rezultat 3-1 ndaj Southamptonit në fillim të tetorit.

“Kjo është një pyetje që të gjithë trajnerët në ligë e kanë dhe ai ende ka arritur që të ketë ndikim gjatë ndeshjeve”

“Ne do të kemi një plan për Cole dhe të gjithë lojtarët e tyre dhe do përpiqemi t’i shfrytëzojmë dobësitë e tyre”.

“Nuk ka asnjë person në këtë dhomë ose jashtë që dëshiron të fitojë më shumë se sa dua unë ose lojtarët e mi. Kjo është e pamundur. Unë kam një besim të madh në atë që po bëjmë si skuadër”.

“Ata janë të vëmendshëm, ata janë të uritur dhe duan të punojnë. Dëshira e tyre është e pabesueshme. Është një kënaqësi të punosh me ta”, ka thënë Arteta./Telegrafi/