Arteta planifikon tri shitje të mëdha në verë

Trajneri i Arsenalit, Mikel Arteta është i gatshëm të bëjë disa shitje të mëdha këtë verë për të rritur financat për transferime të reja.

Arteta erdhi vetëm në gjysmë të sezonit në krye të klubit londinez dhe që nga ajo kohë ka bërë disa përmirësime te klubi ku luajti një kohë si futbollist.

Megjithatë, Arteta nuk është i kënaqur me nivelin e skuadrës dhe është i interesuar për përforcime të reja në verë, por së pari i duhet të shesë.

Lexo po ashtu:

Arsenali do të dëgjojë ofertat për Granit Xhakën dhe Lucas Torreiran

Sipas mediumit The Times, spanjolli ka në plan të bëjë tri shitje të mëdha për të krijuar fonde për transferime të reja.

Matteo Guendouzi thuhet se renditet i pari në listën e transferimeve – megjithëse nuk do të jetë vetëm.

Lexo po ashtu:

Real Madridi dhe Barcelona në garë për Guendouzin

Mbrojtësi Sead Kolasinac dhe mesfushori tjetër Lucas Torreira do të bashkohen me Guendouzi në listën e shitjeve.

Ndërsa ata këta tre lojtarë pritet të shiten, Arteta shpreson të bind kapitenin Pierre-Emerick Aubameyang për të nënshkruar një kontratë të re, pasi sulmuesi tani është brenda vitit të fundit të marrëveshjes së tij aktuale. /Telegrafi/