Arnoldi e përkrah Elizën: Jam i shokuar, por krenar me të

Aktori i madh hollywoodian, Arnold Schwarzenegger, ka shprehur indinjatën e tij pasi mësoi se Eliza Dushku ishte abuzuar seksualisht në fillim të karrierës së saj si aktore.

Eliza ishte ajo e cila doli publikisht për të pranuar se ishte abuzuar seksualisht në moshën 12 vjeçare në setin e një filmi nga një koordinator të skenave të rrezikshme në filmat hollywoodian.

Tom, you bet your ass all of us would have done something. I’m shocked and saddened for Eliza but I am also proud of her – beyond being a great talent and an amazing woman, she is so courageous. https://t.co/EJJbkdior2

— Arnold (@Schwarzenegger) January 16, 2018

Reagimi i Elizës i cili përshkroi në detaje situatën e papërshtatshme të saj në setin e një prej filmave, ka hasur në reagime të emrave të ndryshëm.

Është Arnold Schwarzenegger ai i cili ka reaguar në Twitter duke thënë se është krenar me Elizën.

“Tom, të gjithë do të bënim diçka. Jam i shokuar dhe i pikëlluar për Elizën, por po ashtu jam krenar me të – përpos faktit se është një talente fantastike, ajo është një grua e mrekullueshme dhe e guximshem”, ka shkruar aktori në Twitter.

Rastet e zbulimit të abuzimeve seksuale filluan shumë kohë më parë.

Ishte Weinstein ai që së pari u akuzua dhe më pas një numër i madh yjesh dolën dhe zbuluan edhe emra të tjerë të njohur të skenës që kanë abuzuar seksualisht me kolegët e tyre. /Telegrafi/