Aktori, producenti dhe ish-guvernatori i Kalifornisë, Arnold Schwarzenegger, i është lutur presidentit rus, Vladimir Putin, që ta ndalojë këtë luftë që ka nisur midis Rusisë dhe Ukrainës.

Reklama

Në një video të gjatë nëntë minutëshe të postuar në llogarinë e tij në Twitter, aktori ka përshkruar historinë e tij me Rusinë, pikëpamjet mbi konfliktin dhe për nevojën që të ndalet pushtimi rus.

Në fund të videos, ai iu drejtua presidentit rus me fjalët: “President Putin, ju e nisët këtë luftë. Ju jeni duke e udhëhequr këtë luftë dhe ju mund ta ndaloni këtë luftë”.

Arnold Schwarzenegger (Foto: Screenshot/Twitter)

Schwarzenegger, i cili ishte ndër të parët që bëri një film në Moskë me “Red Heat” në 1988, shprehu admirim për ata që protestonin kundër luftës në Rusi.

Reklama
Të gjitha lajmet nga Arnold Schwarzenegger Të gjitha lajmet nga Arnold Schwarzenegger
Reklama

Aktori i “Commando” tha: “Bota e ka parë trimërinë tuaj. Ne e dimë se ju keni vuajtur pasojat e guximit tuaj. Jeni arrestuar. Ju jeni burgosur. Dhe ju jeni rrahur. Ju jeni heronjtë e mi të rinj”.

74-vjeçari gjithashtu deklaroi se një pjesë e qëllimit të xhirimit të videos ishte përpjekja për t’i bërë ushtarët rusë më të vetëdijshëm për rrethanat rreth konfliktit.

Arnold Schwarzenegger (Foto: Screenshot/Twitter)

Ai foli edhe për paragjykimet e babait të tij ndaj Rusisë për shkak të përvojave të tij gjatë Luftës së Dytë Botërore.

Babai i Schwarzenegger, Gustav, ishte nazist dhe shërbeu në luftë derisa u plagos gjatë pushtimit të Rusisë në 1942.

Reklama

Arnold Schwarzenegger (Foto: Screenshot/Twitter)

Në video, i njëjti thotë se i ka kaluar paragjykimet anti-ruse të babait të tij, sepse kombësia e një personi nuk është e rëndësishme për të.

Reklama

Për më shumë, më poshtë ua sjellim videon e plotë të aktorit të “The Terminator”:

/Telegrafi/