Chelsea kishte një verë jo edhe aq të nxehtë si janë mësuar tifozët të shikojnë, veçanërisht ata të bluve.
Skuadra londineze transferoi Romelu Lukakun për shifrën rekorde 115 milionë euro, e që në minutat e fundit të afatit kalimtar rrëmbyen edhe Saul Niguezin.
Big Rom u rikthye te Chelsea nga Interi për t’i zgjidhur problemet në sulm, derisa spanjolli u bashkua me blutë në formë huazimi nga Atletico Madridi deri në fund të sezonit.
Skuadra nga Londra ka paguar pesë milionë euro për huazimin e Niguez, e që mund ta mbajë atë në një kontratë të përhershme nëse arrin të shfaq cilësitë e tij.
Me këto dy transferime, mund të thuhet se Chelsea ka ndërtuar tashmë dy skuadra për të konkurruar në të gjitha garat.
Kampioni në fuqi i Evropës shpreson se me këtë armatë ta rikthejë titullin e Ligës Premier në Stamford Bridge, pse jo edhe ta mbroj atë të Ligës së Kampionëve. /Telegrafi/
Formacioni i parë
Foto: GiveMeSport
Formacioni i dytë
Foto: GiveMeSport
