Ardi Rushaj flet për prezencën e bullizmit në shoqëri

U publikua episodi i shtatë në emisionin “Liderët e rinj” nga Telegrafi Maqedoni, ku i ftuar ishte Ardi Rushaj. Ai në këtë episod tregoi për pasionet, dëshirat për të ardhmen dhe motivet e tij në jetë.

Ardi e veçonte veten si një djalë i sinqertë. Ai përmendi aktrimin si një talent që kishte dhe që donte ta tregonte te të tjerët në të ardhmen.

Gjithashtu, Ardi na bëri të kuptojmë se futbolli ishte sporti i tij i preferuar dhe njëkohësisht pasioni i tij më i madh. Përveç faktit që ai luan futboll, ndjek vazhdimisht me kuriozitet ndeshjet e futbollit në televizion.

Në shumë përgjigje të tij ishte i përmendur bullizmi si një problem shoqëror prezent në gjithë botën, e pikërisht edhe në vendin tonë dhe në shkollën ku Ardi mëson. Ai tregoi se kishte përjetuar ngjarje të bullizmit dhe do dëshironte që këtë gjë ta ndryshoj.

Madje përmendi dhe faktin që të rinjtë nuk përkrahen nga njerëzit dhe shteti për ndonjë synim që kanë, por paragjykohen e bullizohen.

Dëshira e tij ishte që në të ardhmen të bëhej një politikan sepse e pëlqente shumë politikën. Sipas tij të rinjtë largohen për shkak të ekonomisë së dobët të vendit dhe pagave të ulëta. E me siguri Ardi në të ardhmen nëse do bëhet një politikan do e ndryshonte këtë fakt.

Për më shumë rreth rrëfimeve të Ardit, ndiqeni videon në vazhdim.