Policia e Kosovës ka njoftuar për një rast të vrasjes në tentativë në Podujevë.
Rasti ka ndodhur të premten, në ora 19:16.
“Sheshi i qytetit, Podujevë 17.07.2026 – 19:16. I dyshuari mashkull kosovar, ka therur me thikë viktimën e mitur mashkull kosovar”, thuhet në raport.
Viktimës i është ofruar ndihma mjekësore.
Ndërkaq, i dyshuari është arrestuar, pas intervistimit me vendim të prokurorit i dyshuari është dërguar në mbajtje për 48 orë.
Policia po heton rastin. /Telegrafi/
