Ambasadori francez: Macron, Scholz e Borrell përcaktuan qartë kushtet për dalje nga kriza në veri

Ambasadori i Francës në Kosovë, Olivier Guerot, e ka cilësuar si shumë të qartë deklaratën e përfaqësuesit të Lartë të Politikës së Jashtme të Bashkimit Evropian, Josep Borrell, lidhur me situatën në veri të vendit.

Guerot ka thënë se presidenti francez, Emmanuel Macron, kancelari gjerman, Olaf Scholz dhe përfaqësuesi i Lartë i BE-së, Josepp Borrell kanë përcaktuar qartë “kushtet e një rrugëdaljeje nga kriza në veri të Kosovës”.

Lexo po ashtu Kosova sa më parë të mbajë zgjedhjet në veri, për Serbinë shqetësim për ngritjen e nivelit të gatishmërisë të Forcave të Armatosura – BE me deklaratë

Ai tutje është shprehur se kjo e ka mbështetjen nga e gjithë BE-ja.

“Deklaratë shumë e qartë e Përfaqësuesit të Lartë të BE-së në emër të 27 shteteve anëtare. Presidenti Macron, kancelari Scholz dhe përfaqësuesi i BE-së Borrell përcaktuan qartë kushtet e një rrugëdaljeje nga kriza. Mbështetje nga e gjithë BE-ja”, ka shkruar ambasadori francez në Twitter.

Déclaration très claire du Haut représentant de l’UE au nom des 27 États membres.
Le President Macron 🇨🇵, le Chancelier Scholz 🇩🇪 et le HR/VP Borrell 🇪🇺 ont clairement exposé les termes d’une sortie de crise, à Chisinau. Soutien de toute l’UEhttps://t.co/yIGYKO5USN

— Ambassadeur Olivier Guerot (@Olivier_Guerot) June 3, 2023

Borrell ka deklaruar të shtunën se dhuna në veri mund të ishte shmangur, gjersa i ka bërë thirrje Kosovës dhe Serbisë që menjëherë dhe pa kushte të marrin masa për de-përshkallëzimin e situatës.

Ai në një deklaratë për media ka kërkuar që Kosova sa më parë të jetë e mundur të mbajë zgjedhjet në katër komunat në veri të vendit, duke thënë se presin që edhe serbët të marrin pjesë, gjersa për Serbinë ka shprehur vetëm shqetësimin për ngritjen e nivelit të gatishmërisë më të lartë të Forcave të Armatosura Serbe./Telegrafi/