Përzgjedhësi i ri i Përfaqësueses së Kosovës, Alain Giresse ka folur për ekipin aktual të “Dardanëve” si dhe njohuritë rreth ekipit tonë dhe tifozëve.   

Sot (e mërkurë), Federata e Futbollit e Kosovës (FFK) ka prezantuar sot (e mërkurë) trajnerin e ri Alain Giresse.

Pas prezantimit, Giresse ka folur rreth shumë temave në lidhje me postin e ri që ka pranuar për ta drejtuar Përfaqësuesen e Kosovës.

Zyrtare: Alain Giresse prezantohet si trajner i ri i Kosovës Zyrtare: Alain Giresse prezantohet si trajner i ri i Kosovës

“Sa kam qenë përzgjedhës i Senegalit e kemi bërë një lojë miqësore me Kosovën në Gjenevë. Atje nuk e njihnin Kosovën. Më kanë pas pyetur kundër kujt kemi me luajtur dhe iu kam thënë se e njoh atë vend shumë mirë dhe duhet të luajmë”, ka thënë fillimisht Giresse.

Reklama

“Duhet të zhvillojmë potencialin ekzistues të ekipit. Duhet ta krijojmë një ekip pa ia fiksuar vetes një limit. Duhet të kërkojmë të jemi në nivelin më të mirë në çdo ndeshje”.

Reklama

Alain Giresse duke nënshkruar kontratën (Foto: Ridvan Slivova/Telegrafi)

“Gjithsesi unë kurrë nuk shikoj mbrapa. Shikoj nga e ardhmja. Unë dëshiroj që me ekipin ekzistues të krijoj një ekip të vërtetë, kolektiv. Të luftojnë në çdo ndeshje. Ka ndeshje të lehta dhe të vështira, por duhet të kemi shpirtin luftarak, por gjithmonë duke e respektuar ekipin kundërshtar”.

Tutje, francezi Giresse tregoi se është pajtuar me të gjitha kushtet e ofruara nga FFK-ja dhe kontrata e tij është e vlefshme deri në nëntor të 2023. Giresse foli disa fjalë edhe për Dardanët.

Reklama
Fjalët e para të Alain Giresse si përzgjedhës i Kosovës Fjalët e para të Alain Giresse si përzgjedhës i Kosovës

“Dua një ekip që është bujar, që ka mentalitet dhe moral. Është me rëndësi që kur ekipi të hyjë në fushë të ndjehet i fortë”.

“Shpresojmë në tifozët që të na mbështesin. Ne themi gjithmonë që tifozët janë lojtari i 12-të”.

Reklama

“Çdo lojtar i Kosovës mundet mu përzgjedh. Nuk ka asnjë lojtar që nuk do të shikohet dhe do të ftohet nëse e meriton. Do të kemi vëmendje të lojtarët aktual, por edhe të rinj”, përfundoi përzgjedhësi i ri i Kosovës. /Telegrafi/