Albin Tahiri ka folur pas përfundimit të garës së sotme (e premte) në super sllallom të madh.   

Skitari nga Kosova, Albin Tahiri ka përfunduar edhe garën e radhës në LOD PyeongChang 2018, garë kjo e cila ishte në super sllallom të madh.

Skitari që përfaqëson Kosovën zuri vendin e 47-të nga gjithsej 62 garues, kohë kjo e kënaqshme për të.

Albin Tahiri përfundoi i 47-ti në super sllallom të madh në LOD Pyeonchang 2018 Albin Tahiri përfundoi i 47-ti në super sllallom të madh në LOD Pyeonchang 2018

Tahiri ka thënë pas garës së ka pritur më shumë dhe ka vendosur të rrezikojë paksa, por kjo nuk pasur edhe aq sukses.

Megjithatë, 29-vjeçari kosovar ka deklaruar se është i lumtur që arriti ta përfundoj edhe një garë tjetër.

“Kam pritur më shumë, sepse vendosa të rrezikojë më shumë, mirëpo fatkeqësisht e bëra një gabim në fillim, të cilin u mundova ta përmirësojë, por e humba ritmin dhe kohën”.

“Në fund ia dola të përfundojë edhe një garë tjetër, por që ka mundur të jetë më mirë”, tha Albin Tahiri pas garës së sotme në super sllallom të madh.

Ndryshe, gara e ardhshme e Albinit është të dielën me 18 shkurt në sllallom të madh. /Telegrafi/