Skitari nga Kosova, Albin Tahiri ka folur pas garës së lëshimit në Lojërat Olimpike Dimërore PyeongChang 2018, të cilat po mbahen në Korenë e Jugut.  

Albin Tahiri ka kryer me sukses garën në disiplinën e lëshimit në LOD Pyeongchang 2018, duke zënë vendin e 50-të nga 57 garues.

Këtë rezultat reprezentuesi i Kosovës e ka cilësuar si pozitiv, edhe pse mendonte se do të arrinte më shumë.

Albin Tahiri doli i 50-ti nga 57 garues, në ditëlindjen e 29-të të tij Albin Tahiri doli i 50-ti nga 57 garues, në ditëlindjen e 29-të të tij

Skitari nga Kosova gjithashtu e ka cilësuar si garë të veçantë pasi erdhi në ditëlindjen e tij të 29-të.

“Po ndihem shumë mirë, ishte gara ime e veçantë e lëshimit dhe ditëlindja, po ashtu sot edhe koha ishte shumë e mirë dhe nuk mund të ishte keq”, ka thënë fillimisht Tahiri.

Gjatë garimit

“Bëra një lëshim të mirë ashtu siç e paramendoja, nuk bëra ndonjë gabim, por mendova se isha më i shpejtë sot, por jam i kënaqur edhe kështu”.

Rezultati

“Nesër është një garë e re, një shteg i ri, një rast i ri, është super sllallomi i madh (super g) dhe do të shohim çfarë do të ndodh”.

“Unë do të mundohem të bëjë më të mirën”, ka përfunduar Albin Tahiri, pas garës së sotme, ku doli i 50-ti në lëshim nga 57 garues. /Telegrafi/