Al-Khelaifi dhe Leonardo ia mbyllën derën gjyqtarit të ndeshjes, UEFA hap hetim për dyshen

Presidenti i Paris Saint-Germainit, Nasser Al-Khelaifi dhe drejtori sportiv i këtij klubi, Leonardo, janë duke u hetuar nga UEFA për konfrontimin me zyrtarë të ndeshjes.

Kjo erdhi pas eliminimit nga Liga e Kampionëve të mërkurën nga Real Madridi, ku u mposhtën me rezultat të përgjithshëm 3-2 nga Real Madridi.

Pas ndeshjes u raportua se dyshja i është afruar gjyqtarit holandez, Danny Makkelie dhe UEFA tani është duke e hetuar rastin.

Gjyqtari Makkelie ka shkruar në raport se Al-Khelaifi dhe Leonardo “ia mbyllën derën” e dhomës së zhveshjes.

Trupi qeverisës i futbollit evropian do t’i marrë për bazë “parimet e përgjithshme të sjelljes” si dhe “sjelljen jo të mirë të lojtarëve dhe zyrtarëve”.

Pas ndeshjes, trajneri i PSG-së, Mauricio Pochettino, ka thënë se goli i parë i Real Madridit, erdhi pasi në Gianluigi Donnarumman pati ndërhyrje të palejuar.

Karim Benzema shënoi dhe i barazoi shifrat në 1-1 në atë rast, pastaj shënoi edhe dy herë të tjera për ta dërguar Real Madridin në çerekfinale. /Telegrafi/