Ruud van Nistelrooy është zyrtarisht trajner i ekipit të parë të PSV Eindhovenit.

Ish ylli i futbollit holandez nuk do ta marrë menjëherë detyrën, pasi në drejtim do të jetë sapo të përfundojë sezon aktual. Fred Rutten do të jetë ndihmësi i tij dhe një rol në staf do të ketë edhe Guus Hiddink.

Van Nistelrooy do të zëvendësojë Roger Schmidt, trajnerin aktual, të cilit kontrata i përfundon këtë verë dhe kishte bërë të ditur se nuk do ta rinovonte.

Van Nisteltroy, ish-sulmues i skuadrave të mëdha si Real Madrid dhe Manchester United po stërviste Jong PSV dhe muaj më parë nuk dukej gati për të marrë drejtimin e skuadrës që parë, situata e tij ka ndryshuar.

Reklama

Ai ka nëshkruar deri në vitin 2025 dhe thotë se është i gatshëm që ta rrisë nivelin e skuadrës.

Reklama

“Besoj, madje jam i bindur, që mund ta çoj ekipin në një nivel tjetër. Kjo do të shihet në ndeshjet e kampionatit, në Kupë dhe në Evropë”.

“Jam i fokusuar në përmirësimin e lojtarëve dhe skuadrën nëpërmjet stilit të lojës që më përshtatet”, ka thënë Nistelroy për faqen e klubit. /Telegrafi/