Zvicra me më shumë vende të lira pune sesa të papunë

Në Zvicër ka një shkallë të papunësisë aq të ulët sa që është e barabartë me punësimin e plotë.

Sipas X28 AG, kompani e specializuar në analizën e tregut të punës zvicerane, thuhet se ka më shumë oferta për punë se sa njerëzit që dëshirojnë t’i plotësojnë ato.

Në fund të vitit 2017, kompania shqyrtoi një shkallë papunësie prej 2.7 për qind të popullsisë aktive. Fakti është se në vend, kompanitë e gjejnë veten me 178 mijë vende pune, ndërsa të papunët janë 137 mijë. Në bilanc, vendet që duhet të plotësohen janë 41 mijë.

“Këto shifra pasqyrojnë zhvillimin pozitiv të ekonomisë dhe besimin e madh në të ardhmen e kompanive tona”, komentoi Cornel Müller, kryetar i Bordit të X28 AG, në gazetën Tages Anzeiger në Cyrih, përcjell Telegrafi.

“Ne jemi në një fazë ekonomike në të cilën gjërat po shkon mirë”, tha Jan-Egbert Sturm, drejtor i KOF, qendra kërkimore e Politeknikut të Cyrihut.

Në radhë të parë, industria zvicerane të eksportit më nuk ndëshkohet nga franga e fortë. Monedha zvicerane, në fakt është dobësuar gradualisht, së pari kundër euros dhe më pas ndaj dollarit.

Një konfirmim i suksesit të “trajnimit të dyfishtë” zviceran është trajnimi bazë në kompani dhe në shkolla profesionale. Një sistem që ofron trajnim me cilësi të lartë dhe qasje të drejtpërdrejt në tregun e punës për të rinjtë. /Telegrafi/