LAJMI I FUNDIT:

Zjarri në Spitalin e Pejës, policia jep detaje

Zjarri në Spitalin e Pejës, policia jep detaje

Një zjarr ka shpërthyer mëngjesin e sotëm në katin e katërt të Spitalit të Përgjithshëm të Pejës.

Lidhur me këtë rast, zëdhënësi i policisë për rajonin e Pejës, Fadil Gashi ka thënë për Telegrafin se nuk ka pasur persona të lënduar.


“Sot në mëngjes rreth orës 04:12 minuta, policia është njoftuar për një zjarr në Spitalin e Pejës. Policia dhe Zjarrfikësit kanë arritur menjëherë në vendin e ngjarjes, ku është parë se zjarri ishte në katin e katërt. Zjarrfikësit kanë intervenuar dhe kanë arritur ta lokalizojnë zjarrin në kohë rekord”, ka thënë Gashi.

Zjarr në Spitalin e Përgjithshëm të Pejës, digjet dhoma me pajisje të Teknologjisë Informative
Lexo po ashtu Zjarr në Spitalin e Përgjithshëm të Pejës, digjet dhoma me pajisje të Teknologjisë Informative

Ai ka shtuar se në vendin e ngjarjes menjëherë ka dalur edhe njësitë kompetente, prokurori dhe eksperti i zjarrit të cilët kanë bërë shikimin e vendit të ngjarjes.

Ndryshe Spitali i Pejës ka bërë të ditur se si pasojë e zjarrit është djegur dhoma e pajisjeve të Teknologjisë Informative.

Dyshohet se zjarri është shkaktuar si pasojë e një defekti në sistemin elektrik. /Telegrafi/