Përkundër qëllimit që e kanë të njëjtë (rrëzimin e Qeverisë Kurti), opozita ende nuk ka mundur të gjejë një kompromis për mënyrën se si ta dërgojnë vendin në zgjedhje të parakohshme parlamentare.
Tri subjektet opozitare, PDK, LDK dhe AAK janë të mendimit që shtatori ta gjejë Kosovën me qeveri të re, pasi sipas tyre qeveria e udhëhequr nga kryeministri Albin Kurti nuk ka shënuar asnjë sukses në fushën e brendshme e as të jashtme. Madje, opozitarët deklarojnë se vendi po sanksionohet nga ndërkombëtarët, pikërisht për shkak të veprimeve të kryeministrit.
E, të gatshëm për të shkuar në zgjedhje janë shprehur edhe partia në pushtet, Lëvizja Vetëvendosje, por të cilët potencojnë që është opozita ajo që duhet të ndërmarrë veprime.
Megjithatë, analisti politik, Mazllum Baraliu duke analizuar situatën politike në vend, thotë se përkundër deklaratave për zgjedhje, as opozita dhe as pozita nuk janë të gatshëm për zgjedhje.
Sipas Baraliut, ka shumë faktorë që subjektet politike kanë hezitim të shkojnë në zgjedhje.
“Pikërisht për shkak të interesave që janë të ndryshme të opozitës me partinë në pozitë, gjegjësisht koalicionin qeverisës dhe kalkulimet politike që bëhen të brendshme, përmes sondazheve të brendshme, përmes në një mënyrën e një tjetër inspektimit thuajse të opinionit publik, përgjithësisht votuesve veçanërisht e votuesve potencial të secilës parti edhe më veçanërisht”, u shpreh ai për Telegrafin.
Njohësi i çështjeve politike dhe kushtetuese tha se partitë opozitare nuk janë sa duhet të sigurta se çfarë epilogu do të kenë zgjedhjet, pra se çfarë rezultati do të ketë në zgjedhjet e parakohshme.
Baraliu gjithashtu pohoi se situata aktuale varet edhe nga takimi që kanë pasur përfaqësuesit e PDK-së, me përfaqësuesin e Qeverisë.
“Varet se si janë marrë vesh në rastin e një takimi që kanë pasur përfaqësuesi i Qeverisë me përfaqësuesit e Partisë Demokratike, meqë pamë një hap përpara në shtensionimin politik, pra në votimin e këtyre marrëveshjeve ndërkombëtare që janë të rëndësisë primare për Kosovën me vlera qindra milionësh, mbi treqind milionë dhe po shohim njëfarë lloj shtensionimi. Atëherë ka gjasa që mund të ketë ndonjë marrëveshje edhe për zgjedhje, pra për një çelës te përbashkët, i cili mund të mund të na çojnë zgjedhje të parakohshme”, nënvizoi ai.
Baraliu në intervistë tutje u shpreh se “ ka mungesë të kurajës politike dhe sigurisë politike që të shkohet në zgjedhje”.
“Madje do të thosha që edhe vetë koalicioni qeverisës ka disa përçarje ndoshta, të cilat pak a shumë për herë të parë dolën në sipërfaqe. Dhe opozita po ashtu është e shkapërderdhur fatkeqësisht dhe kështu që nuk kemi ndonjë momentum të përshtatshëm për të pasur një unitet dhe një vendim të përbashkët po ose jo shpejt, sepse koha po ikën, në qoftë se vonohen këto afatet kushtetuese dhe ligjore do të veprojnë kundër këtyre interesave të subjekteve politike, atëherë po them se do do të humbet momentum”, u shpreh ai.
Analisti Baraliu deklaroi se bazuar në zhvillimet e fundit, do të ishte më mirë që Qeveria e udhëhequr nga Albin Kurti të qëndrojë deri në fund të mandatit.
“Unë mendoj që do të ishte më mirë për të gjithë që të mbetet në vijim mandati i kësaj Qeverie që të shkohet deri në fund. Dhe ato premtime të cilat shumë nuk i ka përmbushur as kjo Qeveri, sikurse edhe ato para saj, meqë ka projekte, është viti i fundit, është sezona e ndërtimeve, sezona e punës, të shkohet deri në fund dhe për herë të parë do të ishte me rëndësi që në këtë çerek shekulli të ne të kemi një Qeveri, po edhe një legjislaturë, pra një Kuvend që e përfundon mandatin e plotë ligjor. Kjo do të ishte megjithatë e rëndësishme, historike dhe shprehje e stabilitetit politik dhe parlamentar”, potencoi ai.
Si përfundim, Baraliu tha se “do të ishte mirë që të mendohet mirë dhe të kalkulohen mirë dhe të mos bëhen hapa të gabuar, qoftë të opozitës qoftë të pozitës, sepse ka rreziqe të cilat jo gjithherë mund të zbulohen, ose të identifikohen nga çfarëdo sondazhe që mund të bëjnë, qoftë të brendshme partitë politike për veten e tyre.
Analisti theksoi se sa më shumë kohë që shkon “kjo qeveri mund edhe të dëshmohet si më pak e suksesshme ose më shumë e suksesshme”./Telegrafi/
Promo
Reklamo këtuLufta Prigozhin - Putin
Më shumëNga Rubrika
Arrestohet një grabitës në Gostivar, kërkohej për vuajtje të dënimit me burg
Kurti pas takimeve me mërgimtarët në Stamboll: Ata janë përfaqësimi i shtetit dhe popullit tonë në Turqi
Policia e Ferizajt shqiptoi 6,313 gjoba dhe konfiskoi 98 patentë shoferë gjatë muajit maj
Perandoria e shantazhit dhe shkatërrimi i grupit 'AlbKings' - si publikoheshin foto e video nudo të vajzave shqiptare
Ardita Sinani shpall fitoren në Preshevë, Fronti për Ndryshim fiton Bujanocin
Përplasja në distancë e Gërvalles me Presidenten, MPJD thyen heshtjen
Zbardhet fjalimi i Pjetër Shalës në Hagë: Unë nuk e di për çka duhet të paguaj, m’u shkatërrua jeta!
Rrëfimi i nënës së 7-vjeçares së rrëmbyer para 32 vitesh: Shpresoj ta kenë birësuar, jo t’i kenë shitur organet
“I kemi hyrë në borxh”, ish-kryeministri britanik Tony Blair me statujë në Ferizaj
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Pse çdo prind duhet të zgjedhë këpucët apo atletet Reebok në Melodia Px për fëmijët e tyre?!
Eksploro natyrën dhe ngjit majat me çizmet e duhura
Formësoje trupin me peshën Martes
Rehatohu n’plazh mirë dhe lirë
Për çfarë vibes je – Summer Vibes apo Good Vibes?
Më të lexuarat
Mozzik dhe Lotina Haziri në një lidhje dashurie?
Si e ndryshoi historinë amerikane ylli i filmave për të rritur?
Aksion i policisë në Leposaviq, konfiskohen dhjetëra uniforma të policisë serbe
Dënime drakonike për duhanxhinjtë: 20 mijë euro gjoba për bizneset, 200 euro për personat që pinë duhan në ambiente të mbyllura
Donald Trump filloi të thotë gënjeshtra - shumë televizione amerikane ndërprenë transmetimin e konferencës
Sir Alex Ferguson nuk i foli asnjëherë lojtarit që ishte blerja e tij e fundit tek Man United