Zelensky ndezë rimeçin mes Usyk dhe Joshuas me mesazhin e tij të fuqishëm

Në ato orë të vetmuara pas dyerve të mbyllura, Oleksandr Usyk është përgatitur për rimeçin me Anthony Joshuan.

Që kur u largua nga shtëpia në mars, ukrainasi ka mbetur në kontakt me miqtë që, si ai, u regjistruan për të zmbrapsur pushtimin rus. Kampioni i peshave të rënda flet me oficerë të rangut të lartë madje edhe komandanti i përgjithshëm ka qenë në kontakt.

Asistentët e Presidentit Zelensky kontaktuan promotorin e Usyk, Alex Krassyuk, duke i kërkuar atij që të “tregojë se Ukraina është vendi i njerëzve seriozë, të fortë, të motivuar, të zhvilluar dhe shpirtëror”.

Lexo po ashtu “AJ është në telashe të mëdha”: Tifozët e boksit janë mahnitur me transformimin trupor të Oleksandr Usyk

Nuk është çudi, ndoshta, që Usyk ‘po ndihet si një përbindësh’. Ai do të kthehet në Ukrainë pas revanshit të së shtunës në Arabinë Saudite.

Kampioni siguroi të drejtat e transmetimit në shtëpi, që do të thotë se lufta do të shfaqet, pa pagesë, në TV shtetëror dhe kanalin YouTube të Usyk.

Gjatë shfaqjes, Fondacioni Usyk, i krijuar pas pushtimit rus në shkurt, do të mbledhë fonde për ushqim dhe automjete ushtarake. Paratë nga sponsorët televizivë do të shkojnë gjithashtu për bamirësi.

Lexo po ashtu Veprim spektakolar nga Usyk para rimeçit me Joshuan - të gjithë po e duartrokasin

Në ditët e para të luftës, Usyk do të dilte në patrullë me burra të tjerë që ishin bashkuar me Forcën e Mbrojtjes Territoriale të vendit.

Ai do të kthehet për të gjetur tokë të djegur në pragun e tij. Një nga shtëpitë e Usykut u pushtua nga ushtarët rusë derisa zona u rimor nga trupat vendase. “Ai patjetër do të kthehet në Ukrainë,” thotë Krassyuk. Megjithatë, jo si ushtar. “Misioni i tij është frymëzimi – t’u japë njerëzve motivim, t’u japë nxitje ushtarëve që të luftojnë fort për atdheun e tyre”.

Skuadra e Usykut pati një punë mjaft të vështirë duke e larguar atë shtëpia e tij për këtë revansh.

“Synimi i tij ishte të qëndronte në Ukrainë dhe të ndihmonte bashkatdhetarët e tij, na u desh një kohë. Ai udhëtonte shumë në Ukrainë, vizitonte spitalet, fliste me ushtrinë”, thotë promotori i tij. “Çdo bisedë që ai kishte përfunduar me fjalë mbështetjeje dhe bekimi për të marrë luftën”.

Lexo po ashtu Duke vepruar në fshehtësi - Joshua dëshiron të bëjë 'çmenduri' në revanshin ndaj Usyk

“Të gjithë duan që himni i Ukrainës të dëgjohet në të gjithë botën, të gjithë duan që të ngrihet flamuri i Ukrainës… ai hezitoi, por pasi dëgjoi të gjitha këto, mori vendimin përfundimtar. Gjithçka që Usyk pa dhe dëgjoi ka dëmtuar sharmin dhe karizmën e kampionit. Secili prej nesh ndryshoi dhe ndoshta nuk do të jetë kurrë i njëjti”, thotë Krassyuk.

Për të gjitha ato që kanë humbur – “disa nga miqtë e tij kanë vdekur”, shton Krassyuk. Oleg Prudky është ndër boksierët ukrainas të humbur duke mbrojtur atdheun e tij. /Telegrafi/