Zbulohet se sa do të mungojë Paul Pogba

Sezoni i parë katastrofik i Paul Pogbas në Juventus thuhet se ka përfunduar pasi ai pësoi një tjetër lëndim në fitoren 2-0 të skuadrës së tij kundër Cremonese të dielën.

Pas një edicioni të goditur nga lëndimet, francezi bëri fillimin e tij të parë në 13 muaj në Allianz Stadium, por i zgjati vetëm 21 minuta para se të pësonte një pengesë të re që e bëri atë të largohej nga fusha në lot.

Juventus vlerësoi lëndimin e Pogbas të hënën në mëngjes dhe zbuloi se ai kishte pasur një problem në kofshë.

Lexo po ashtu Çfarë fatkeqësie për Paul Pogban: Mes lotëve lëshon fushën

Në një deklaratë në faqen e internetit të klubit thuhet: “Testet diagnostike që Paul Pogba iu nënshtrua këtë mëngjes në J|Medical treguan një lezion të shkallës së ulët të rectus femoris të kofshës së majtë. Futbollisti tashmë ka filluar programin e tij të rehabilitimit”.

Klubi nuk vendosi një afat kohor për rikuperimin e Pogbas, por mesfushori pritet të jetë jashtë për të paktën 20 ditë, sipas Gazzetta dello Sport.

Ata kanë raportuar se sezoni i Pogbas ka përfunduar, me Juventusin që përfundon sezonin e tyre në fillim të qershorit. /Telegrafi/