Charles De Ketelaere mund të bëjë debutimin e tij me Milanin sot (e shtunë) në miqësoren kundër Vicenzas, por detajet po dalin ende në lidhje me bonuset në transferimin e belgut nga Club Brugge.

Reprezentuesi 21-vjeçar i Belgjikës është në stol në Stadio Romeo Menti këtë mbrëmje, pasi ndeshja fillon në orën 19:00 me kohën tonë lokale.

Të gjithë sytë do të jenë te De Ketelaere, i cili më në fund bëri lëvizjen pas disa muajsh negociatash të tensionuara dhe specifikat e marrëveshjes janë ende duke u diskutuar.

De Ketelaere gati për debutimin me Milanin De Ketelaere gati për debutimin me Milanin

Transferimi i lojtarit besohet të jetë me vlerë 32 milionë euro plus 3 milionë euro bonuse dhe 12.5 për qind të çdo tarife transferimi të ardhshëm.

Reklama

Sipas mediumit Nieuwsblad në Belgjikë, Milani do t’i detyrohet Club Brugget me nga 1 milion euro për secilin nga pesë vitet e kontratës së tij që ata kualifikohen në Ligën e Kampionëve apo një shumë të reduktuar në 500 mijë euro nëse është luajnë në Ligën e Evropës.

Reklama

Megjithatë, ka një kufi për bonuset e vendosur në tre milionë euro, prandaj kjo është arsyeja pse bonuset u konsideruan si ‘të lehta për t’u arritur’.

Zakonisht, bonuset e lidhura me performancën mund të lidhen me fitimin e trofeve ose një numër të caktuar golash të shënuar, dhe ato përfshihen gjithashtu në kontratën e De Ketelaere.

Reklama

Në thelb, Club Brugget i garantohet praktikisht shuma e plotë prej 35 milionë euro. /Telegrafi/