Zanetti: Vidal do ta rriste nivelin e Interit

Zëvendës-presidenti i Interit, Javier Zanetti, e ka konfirmuar interesimin e klubit të tij për mesfushorin e Barcelonës, Arturo Vidal.  

Negociatat mes klubeve janë duke vazhduar për huazimin e lojtarit me opsion blerje.

Ylli kilian dëshiron bashkimin me ish-trajnerin e tij Antonio Conte që bën histori së bashku te Juventusi.

“Do ta shohim si do të shkojë afati kalimtar, kemi një muaj kohë që t’i mbyllim disa gjëra”.

“Vidal është lojtar me një karakter të jashtëzakonshëm dhe eksperiencë, por do të shohim se çfarë do të ndodh”.

“Jemi duke folur për një lojtar që do ta rriste nivelin tonë, dhe ne aktualisht jemi në një nivel të mirë”, ka thënë Zanetti për ESPN Argentina. /Telegrafi/