“E Majta” dorëzoi kallëzim në Prokurorinë Publike për ndjekje penale të kreu të Kuvendit Talat Xhaferi me elaborimin se ai me vullnetin e tij dhe në kundërshtim me Kushtetutën, Ligjin dhe rregulloren pamundësoi zbatimin e nismës qytetare për organizimin e referendumit.

Por, Xhaferi është i bindur se nuk ka bërë interpretim por vlerësim të thelbit të nismës për referendum. Në intervistë për Televizionin 24 ai tha se nuk ka shkelur kompetencat e veta.

“Propozuesin e njoftoj se në kuptimin procedural, unë nuk e vlerësoj formën edhe ose mundem, por për thelbin them se keni problem thelbësor se në thelb, iniciativa është problematike në raport me Kushtetutën. Nuk interpretoj. Zbatoj ligjin dhe Kushtetutën”, tha Talat Xhaferi.

Reklama

Xhaferi thotë se asnjë nga kallëzimet e mëhershme penale ndaj tij nuk ka qenë i suksesshëm sepse është konstatuar rregullsia e veprimeve të tij.

Reklama

Ndërsa OBRM-PDUKM vlerëson se përveç që Xhaferi shkeli Kushtetutën dhe ligjet kur refuzoi nismën e tyre për referendum, ai vendosi një praktikë të rrezikshme.