LAJMI I FUNDIT:

Xhaferi: Kroacia na mbështet pa rezervë në rrugën drejt NATO-s dhe BE-së

Xhaferi: Kroacia na mbështet pa rezervë në rrugën drejt NATO-s dhe BE-së

“Republika e Kroacisë është mike e dëshmuar i Republikës së Maqedonisë së Veriut dhe mbështetëse e integrimit të saj evropian dhe euroatlantik, fakt i cili vlerësohet dhe respektohet shumë. Kuvendi i Republikës së Maqedonisë së Veriut, edhe në të ardhmen, do t’i kultivojë marrëdhëniet miqësore me Kuvendin e Republikës së Kroacisë, në veçanti duke e intensifikuar bashkëpunimin ndërparlamentar në nivelin më të lartë, si dhe në nivelin e grupeve parlamentare të bashkëpunimit me parlamentet e shteteve të veçanta”.

Këtë e tha sot kryetari i Kuvendit, Talat Xaferi në takimin me ambasadoren e sapoemëruar të Kroacisë në Maqedoninë e Veriut, Nives Tiganj.

Xhaferi u shpreh i bindur se kjo mbështetje e fuqishme do të përforcohet gjatë kryesimit të ardhshëm të Republikës së Kroacisë me Këshillin e Bashkimit Evropian vitin e ardhshëm, dhe do të rezultojë me marrje të datës për fillim të negociatave në Samitin e majit në Zagreb.

Në fillim të takimit, Xhaferi e përgëzoi ambasadoren për funksionin e ri duke i dëshiruar mandat të frytshëm dhe të suksesshëm të ambasadorit, si dhe shprehu pritje se bashkëpunimi i deritanishëm i institucioneve të Republikës së Maqedonisë me Ambasadën e Kroacisë do të vazhdojë edhe më tutje.

“Mosmiratimi i vendimit për fillim të negociatave shkaktoi dëshpërim të madh te qytetarët e Republikës së Maqedonisë së Veriut, por theksoi se ne edhe më tutje mbetemi të përkushtuar në procesin reformues. Njëkohësisht, si shtet mbetemi të përkushtuar edhe në Procesin e Berlinit, bashkë me vendet tjera të rajonit, që të tregojmë angazhime të fuqishme për angazhime për rezultate reale do të kenë efekte pozitive afatgjate” tha Xhaferi.

Ambasadorja Tiganj i përcolli bindjet e kryesisë së lartë kroate të shtetit për mbështetjen e mëtejshme të integrimit evropian dhe euroatlantik të Republikës së Maqedonisë së Veriut, duke shpresuar se gjatë kryesimit të ardhshëm të Republikës së Kroacisë me Këshillin e Bashkimit Evropian do të korrigjohet padrejtësia ndaj vendit.

Bashkëbiseduesit shkëmbyen mendime mbi zhvillimet e tanishme politike në vend përpara zgjedhjeve të ardhshme parlamentare, aktivitetet e Kuvendit dhe Qeverisë në këtë kontekst, marrëdhëniet e mira fqinjësore, puna e përgjithshme parlamentare, dialogu pushtet-opozitë si një imperativ kryesor i demokracisë, mundësitë e avancimit të bashkëpunimit ndërparlamentar dhe ndarja e përvojave të përbashkëta në politikën e jashtme dhe diplomacinë parlamentare./Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Lajme
Kalo në kategori