Athletic Bilbao e eliminoi Barcelonën nga Kupa e Mbretit dhe siguroi vendin e tyre në mesin e tetë ekipeve çerekfinale, ndërsa Xavi analizoi ndeshjen e së enjtes mbrëma në San Mames.

Baskët fituan 3-2 atë që ishte një ndeshje absolutisht emocionuese duke marrë epërsinë në tre raste të veçanta pasi Barcelona barazoi dy herë.

Iker Muniain kaloi Bilbaon në epërsi pas vetëm dy minutash, me Ferran Torres që barazoi në minutën e 20-të.

Më pas, Inigo Martinez mendoi se shënoi golin e fitores 2-1 në minutën e 86-të, por Pedri arriti të barazonte sërish për Barcelonën në fund të kohës shtesë.

120 minuta lojë, Athletic Bilbao fiton trilerin e pesë golave ndaj Barcelonës dhe kalon në çerekfinale 120 minuta lojë, Athletic Bilbao fiton trilerin e pesë golave ndaj Barcelonës dhe kalon në çerekfinale

Më pas, në pjesën e parë të vazhdimeve, Muniain shënoi golin e dytë të mbrëmjes nga pika e bardhë për t’ia siguruar fitoren Bilbaos.

Pas ndeshjes ka folur trajner Xavi, i cili ka thënë se kundërshtarët e tij ishin të shkëlqyer, ndërsa Barcelona duhet të besojë në projektin e nisur.

“Mendoj se Bilbao luajti një lojë të shkëlqyer. Ishte e vështirë për ne të përparonim. Ata u mbrojtën shumë mirë, me intensitet të jashtëzakonshëm”, ka thënë fillimisht Xavi pas ndeshjes.

“Ata ishin superiorë në duele. Ata ishin shumë të fortë. Ishte e vështirë për ne. Goli i Pedrit na dha krahë për kohën shtesë, por më pas erdhi penalltia fatale”.

“Ne u përpoqëm, por gjërat nuk na funksionuan. Por nuk na mbetet gjë tjetër veçse të vazhdojmë të besojmë në këtë projekt. Duhet të besojmë në La Liga dhe Ligën e Evropës. Unë nuk di asnjë mënyrë tjetër për ta bërë këtë detyrë”, përfundoi trajneri i Barcelonës. /Telegrafi/