“Blockbuster Trade” e cilësuan amerikanët një operacion të fundit të lëvizjeve të basketbollistëve në NBA.

Russell Westbrook dhe James Harden sërish do të luajnë në një skuadër, por kësaj radhe jo në Oklahoma City Thunder.

Russell ka shkëputur kontratën me skuadrën ku e filloi karrierën dhe i është bashkuar ekipit teksasian të Houston Rockets.

Në drejtim të kundërt është larguar Chris Paul, gjersa në ofertë janë përfshirë edhe “pikat e drafteve” të “raketave” të vitit 2024 dhe 2026, të cilët do t’i takojnë Thundersave. Oklahoma gjithashtu do të ketë të paktën dy zgjedhje në raundet e para në gjashtë nga shtatë draftet e ardhshme.

Paul nëntë herë është paraqitur në NBA All-Star, Westbrook në tetë raste ka luajtur në këtë ndeshje.

Chris do të fitojë rreth 125 milionë dollarë gjatë tri viteve të fundit të kontratës, duke përfshirë një opsion prej 44.2 milionë dollarësh për sezonën 2021-22.

Westbrook, i cili do të mbush 31 vjet në fillim të sezonit të ardhshëm, do të arkëtojë 171 milionë dollarë gjatë katër viteve të ardhshme. /Telegrafi/