Wenger: Lacazette nuk do të luajë kundër Milanit, dua që Wilshere të qëndrojë

Trajneri i Arsenalit, Arsene Wenger, ka konfirmuar se Alexandre Lacazette nuk do të luajë kundër Milanit të enjten.

Ndeshja e parë përfundoi me rezultat 2-0, por tekniku francez thotë se ende asgjë nuk ka përfunduar.

“Disa lojtarë kanë bërë teste këtë mëngjes dhe të gjithë janë gati, përveç Lacazette”, ka thënë Wenger në konferencën për media para ndeshjes.

“Skuadra për nesër? Kurrë nuk është e lehtë kur duhesh të lësh jashtë top lojtarët. Duhet të zgjedhësh skuadrën më të mirë për të fituar ndeshjen e ardhshme”.

“Dua të jem në Ligën e Kampionëve. Liga e Evropës është shumë e fortë këtë sezon. Shikoni Milanin, Borussia Dortmundin dhe Atletico Madridin, plus ka shumë skuadra franceze”.

Lexo po ashtu Pesë paraqitjet e shkëlqyera të klubeve angleze në Evropë

“Kjo gatë është në nivelin më të lartë se kurrë më parë. Ne duhet të bëjë një paraqitje që pritet nga ne. Gara është shumë e ngushtë”.

Jack Wilshere do të jetë pakontratë në fund të sezonit dhe së bashku me Milanin edhe Juventusi është i interesuar të sigurojë shërbimet e tij.

“Nga ana ime asgjë nuk ka ndryshuar, Jack do të jetë i lirë në fund të sezonit. Ne i kemi ofertë dhe dua që ai të qëndrojë dhe të lidhet me klubin edhe në të ardhmen. Kjo është dëshira ime dhe shpresoj ai ta bëjë këtë. Shpresoj gjithashtu që ai të thirret edhe nga Anglia dhe shenjat janë pozitive”, ka shtuar për fund Wenger. /Telegrafi/