Çështja e Demarkacionit me Malin e Zi vazhdon të jetë temë diskutimi në sferën politike. Qeveria në njërën anë e opozita në anën tjetër janë duke propaganduar me deklaratat e tyre.
E duke e ditur se një marrëveshje ndërkombëtare mund të ratifikohet në Kuvendin e Kosovës me vetëm dy të tretat e votave, koalicioni PDK-LDK vazhdon të deklarohet se i posedojnë ato, ndërsa opozita beson se do të këtë deputetë të pozitës që do t’i tradhtojnë partitë e tyre dhe rrjedhimit ta ndalojnë ratifikimin e kësaj marrëveshje.
Ndërkaq numri i deputetëve që po e kundërshtojnë Marrëveshjen për Demarkacion me Malin e Zi tashmë është rritur, madje edhe në radhët e partive në koalicionin qeverisës.
Telegrafi ka kontaktuar me disa nga deputetët e LDK-së për të parë se cili do të jetë vendimi i tyre në momentin kur kjo marrëveshje të sillet në Kuvend për tu votuar.
Deputeti i LDK-së, Anton Quni në një prononcim për Telegrafin ka thënë se për këtë çështje do të deklarohet në seancë, dhe se aty do të bëhet e ditur vota e tij.
Ngjashëm ka deklaruar edhe deputeti tjetër i kësaj partie, Arben Gashi. “Vota ime merret vesh në Kuvend”, ka thënë shkurt Gashi.
Për dallim nga Gashi dhe Quni, deputeti Adem Salihaj tashmë ka vendosur që të votojë kundër ratifikimit të kësaj marrëveshje që sipas tij është e gabuar.
“Duke u nisur nga argumentet që kanë sjellë edhe në tryezën e 3 gushtit, është parë se tashmë qeveria ka gabuar me nënshkrimin e kësaj marrëveshje, dhe unë nuk mund ta votojë një marrëveshje të tillë”, ka thënë Salihaj për Telegrafin.
E deputeti i LDK-së, i cili ka qenë edhe më i zëshmi sa i përket kësaj marrëveshje duke thënë se Kosova humb mbi 8 mijë hektarë me këtë marrëveshje, Shpejtim Bulliqi ka ritheksuar se vota e tij do të jetë kundër.
“Mua nuk më blen askush, nuk ka dilemë sa i përket votës time në këto kushte në të cilat është arritur marrëveshja”, theksoi Bulliqi.
Ndërkaq edhe deputetja Vjosa Osmani në prononcimet e saja të mëhershme ka lënë të kuptohet se nuk do të votojë pro ratifikimit të marrëveshjes për kufirin me Malin e Zi.
Osmani ka thënë për Telegrafin se tashmë është deklaruar për këtë çështje dhe se dihet qartë qëndrimi i saj.
Kurse deputetja tjetër e LDK-së, Melihate Tërmkolli nuk ka pranuar të flasë për këtë çështje duke thënë se ende ka kohë.
Adem Salihaj, Vjosa Osmani, Shpejtim Bulliqi janë tashmë të vendosur që të votojnë kundër ratifikimit të Demarkacionit me Malin e Zi.
Sot, kryesia e Kuvendit të Kosovës vendosi që seanca për Demarkacionin të mbahet me 1 shtator./Telegrafi/
Lufta Prigozhin - Putin
Më shumëNumërohen më shumë se gjysma e votave, këto janë rezultatet nga zgjedhjet kuvendare
"Lidhjet me Serbinë" dhe informata nga Qeveria e Kosovës, çka deshi të thotë Escobar pas pretendimeve se është i implikuar?
Zona Zgjedhor nr 6: Këto janë rezultatet e fundit nga 77% e votave të numëruara
Kështu do të ndaheshin deputetët e Njësisë Zgjedhore 6 me 81% të vendvotimeve të numëruara
Taravari: Ndryshimi u kry, sapo u firmos liria e këtij vendi
Koalicioni VLEN feston në qytetin e Tetovës dhe Gostivarit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Mbyllet gjysmëfinalja e parë e Eurovisionit - këto janë 10 vendet që u kualifikuan në finalen e madhe
Katër vite pritje, Dortmundi tani me një veprim hakmarrës turpëron PSG-në në rrjetet sociale
Bonusi i jashtëzakonshëm që Bellingham do ta fitojë nëse Real Madridi fiton Ligën e Kampionëve
Ish-legjenda e njohur e Real Madridit i bashkohet Ronaldos tek Al-Nassr
Shumë debate për këtë moment: A ishte penallti për PSG-në kur Hummels e rrëzoi Dembelen?
Çka është rregulla 30:30:30:10 kur bëhet fjalë për financat dhe si duhet ta shfrytëzoni?