Votat e të gjithëve që ishin në garë për Topin e Artë – Benzema gati trefish më shumë se Mane i dyti, CR7 zero vota

Revista prestigjioze franceze, France Football ka publikuar një përmbledhje të garës së Topit të Artë 2022, ku ka zbuluar edhe votat e të gjithë atyre që ishin në garë për çmimin e madh prestigjioz individual.

Para disa ditësh u mbajt ceremonia e ndarjes së çmimit Topi i Artë, ku fitues doli sulmuesi i Real Madridit, Karim Benzema, i cili fiton për herë të parë këtë çmim të madh.

Megjithatë, çmimi i fituar nga Benzema ishte plotësisht i merituar shkaku i formës së lartë në sezonin e fundit dhe diferencës së madhe të votave ndaj rivalëve të tij.

Benzema triumfoi në këtë garë me plot 549 vota nga juria prej 93 anëtarëve, ndërsa pas tij erdhën Sadio Mane i dyti me 193 vota dhe Kevin de Bruyne që plotësoi podiumin me 176 vota.

Në vendin e katërt u renditet Robert Lewandowski (170 vota), i pesti Mohamed Salah (116 vota), ndërsa pas tyre erdhën Kylian Mbappe (85 vota), Thibaut Courtois (82 vota), Vinicius Jr (61 vota), Luka Modric (20 vota) dhe Erling Haaland i dhjeti me 18 vota.

Vendi i 11-ti i takoi Son Heung-min me pesë vota, Riyad Mahrez i 12-ti me katër vota, Sebastian Haller, Fabinho dhe Rafael Leao patën nga dy vota, ndërsa Virgil Van Dijk, Casemiro, Luis Diaz dhe Dusan Vlahovic i vendit të 19-të nga një votë.

Cristiano Ronaldo përfundoi i 20-ti pa asnjë votë, ndërsa lojtarët tjerë pa vota në garën për Topit të Artë nga vendi 21-30 ishin Harry Kane, Trent Alexander-Arnold, Phil Foden, Bernardo Silva, Joao Cancelo, Joshua Kimmich, Mike Maignan, Christopher Nkunku, Darwin Nunez dhe Antonio Rudiger.  /Telegrafi/