Ylli i Levantes, Enis Bardhi, ka bërë një reagim për të sqaruar situatën e krijuar lidhur me lejen e tij të vozitjes.

Mesfushori shqiptar që përfaqëson Maqedoninë e Veriut ishte ndalur në një pikë kontrolli nga policia në Valencia dhe njëri nga zyrtarët policorë kishte dyshuar se patenta e shoferit ishte false.

Për më shumë, atij i është pamundësuar që ta vozisë tutje veturën e tij dhe derisa dokumenti është nën verifikim, sipas gazetës Las Provincias, atij i është thënë se mund të akuzohet në dy pika: Për ‘falsifikim dokumentesh’ dhe për ‘rrezikim të sigurisë rrugore’.

(Foto: Instagram/enisbardhi10)

“Leja e vozitjes që ua kam paraqitur agjentëve policorë në pikën e kontrollit, të hënën që shkoi, 5 prill, është vërtetuar nga institucionet përkatëse në vendin tim”.

Policia spanjolle është duke hetuar nëse Enis Bardhi po voziste me leje false Policia spanjolle është duke hetuar nëse Enis Bardhi po voziste me leje false

“Mëngjesin e sotëm (e martë) tashmë ia kam dorëzuar policisë lokale certifikatën e lëshuar sot nga Ministria e Brendshme e vendit tim, Republika e Maqedonisë së Veriut, e cila e konfirmon këtë”,

“Qëllimi im është që me dokumentacionin e prezantuar sot të mund të sqarohet situata e konfuzionit që është krijuar”, ka shkruar Bardhi në Instagram. /Telegrafi/