Vetura zyrtare “Toyota Land Cruiser” me targat 2Z, e cila i takon kryetarit të Komunës së Mitrovicës Veriore, Goran Rakiq, është parë mbrëmë rreth mesnatës me targa provuese të Republikës së Serbisë, duke hyrë nga Serbia në Kosovë, përkatësisht në pikën kufitare të Jarinjës, bëjnë të ditur burime të KosovaPress-it.
Sipas këtyre burimeve, përkundër sugjerimeve të pjesëtarëve të Policisë së Kosovës që në territorin e Republikës së Kosovës, kryetari Rakiq duhet t’i heq targat e Serbisë dhe t’i vendosë targat zyrtare të Kosovës, ky i fundit nuk ka pranuar assesi, duke thënë se edhe ajo pjesë është Serbi.
“Mbrëmë rreth orës 24:00 në Jarinje, Rakiq ka dashur që me veturën e tij zyrtare në të cilën kishte të vendosura targa provuese të Serbisë të hyjë në Kosovë, mirëpo nuk është lejuar nga policët e Kosovës. Ai pastaj ka rezistuar dhe nuk ka pranuar assesi të heq targat e Serbisë, ndërsa ka thënë se edhe ajo pjesë e Kosovës është Serbi. Rakiq është mbajtur rreth dy orë në kufi për t’iu bindur urdhrave të Policisë, derisa nga Prishtina është bërë trysni ndaj policëve dhe në fund është lejuar që kryetari Rakiq të vazhdojë lëvizjen brenda territori t të Kosovës me targa të Serbisë”, kanë thënë burimet.
Burimet më tej kanë shtuar se Rakiq gjatë kohës sa ka qëndruar në kufi ka komunikuar përmes telefonit me disa persona, në mesin e të cilëve edhe me zëvendësministrin e Punëve të Brendshme të Kosovës, Millan Radojeviq.
“Diku rreth orës 2:00 të mëngjesit, pasi policët janë kontaktuar nga dikush prej strukturave të larta të policisë në Prishtinë, ata janë detyruar ta lejojnë kryetarin Rakiq që të vazhdojë me targa të Serbisë brenda territorit të Kosovës”, thonë burimet.
Në anën tjetër, KosovaPress-i ka kontaktuar përmes telefonit me komandantin e policisë në kufirin e Jarinjes, Skender Sadiku, i cili ka konfirmuar pjesërisht ngjarjen.
Sipas tij, është e vërtetë se ka pasur telashe të vogla me kryetarin e Mitrovicës Veriore, Goran Rakiq rreth targave të automjetit të tij mbrëmë në Jarinje, dhe ai është ndaluar më gjatë në kufi.
“Pavarësisht kush është në pyetje, ndonjë ministër apo qytetar i rëndomtë, ne zbatojmë ligjet e Kosovës”, ka thënë shkurt Sadiku.
Ai ka mohuar të ketë intervenuar drejtori i policisë së Kosovës apo dikush nga strukturat e larta në polici, ndërsa nuk ka dhënë detaje se si Rakiq është lejuar të vazhdojë rrugën me targa të Serbisë.
Lufta Prigozhin - Putin
Më shumëNjësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Togerja e Policisë së Kosovës fiton çmim ndërkombëtar për shërbim në komunitet
A po e kushtëzon Sllovenia Kosovën me Asociacion për t'u bërë pjesë e Këshillit të Evropës - flet presidentja Pirc Musar
Italiania e dashuruar me Sarandën: Sa erdha thashë do të jetoj këtu, tani kam biznes
Meta: Ambasadorin italian do ta kisha shpallur “non grata” në Shqipëri
Konkursi për gradimin e policëve, dyshohet për favorizime të familjarëve të eprorëve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur