Një aksident i rëndë trafiku ka ndodhur mbrëmjen e së mërkurës në Klinë, ku një veturë ka rënë nga ura e Dollcit.
Sipas raportimeve fillestare të mediumit lokal Klina.info, nga aksidenti kanë mbetur të lënduar gjashtë persona.
Në pamjet e publikuara nga vendi i ngjarjes shihen njësitet policore dhe ekipet emergjente që kanë dalë për të intervenuar.
Policia e Kosovës deri më tani nuk ka dhënë detaje zyrtare lidhur me rastin apo gjendjen e të lënduarve.
Telegrafi ka provuar të marrë konfirmim zyrtar nga policia, por deri në momentin e publikimit të lajmit nuk ka marrë përgjigje.
