Këngëtarja e njohur shqiptare, Arta Bajrami, ka sjell së fundmi në treg albumin e saj më të ri muzikor “Dasma shqiptare”.

Ky album vjen me plot këngë folklorike dhe patriotike të kënduara nga vet Arta, prodhime muzikore të cilat janë incizuar në studion e vëllait të saj, producentit Don Arbas.

Të gjitha lajmet nga Estrada Shqiptare Të gjitha lajmet nga Estrada Shqiptare

“Dasma shqiptare” mund të gjendet online por edhe si CD në të gjitha pikat e shitjes të autorizuara.

Arta Bajrami solli për fansat albumin “Dasma shqiptare”, i cili tashmë është në shitje (Foto: Arta Bajrami/Instagram)

Këngëtarja Bajrami për Telegrafin ka treguar se këtë album ia dedikon babait të saj të ndjerë, Zejnullah Bajrazmi, i cili ishte një këngëtar i njohur i odave dhe muzikës rapsodike.

Ajo ka promovuar albumin e saj të ri në rrjetet sociale, ku shfaqet e veshur me veshje kombëtare, me çka vë në pah edhe patriotizmin e saj.

Këngëtarja Arta Bajrami (Foto: Arta Bajrami/Instagram)

Një detaj interesant që këngëtarja zbuloi për Telegrafin ishte plisi që ajo mban në kokë, e që ka qenë i njëjti që ka përdorur edhe babai i saj i ndjerë.

“Duke qenë se të gjitha këngët janë dedikim për babain tim, ishte arsyeshme që edhe paraqitja ime të kishte diçka nga ai, në këtë rast plisin në kokë të cilin e kam vënë, është i babait tim. Pasi ndërroi jetë unë e kam marrë dhe mendoj se ishte momenti i duhur ta vë”, ka thënë Arta për Telegrafin.

Me inicistivën për të risjellë në jetë këngët e kënduara nga ai, Arta duket të jetë shembulli i një vajze që çon deri në fund amanetin e prindit. /Telegrafi/

Foto: Arta Bajrami/Instagram