LAJMI I FUNDIT:

Vdiq ish-presidenti i Iranit, Abolhassan Banisadr

Vdiq ish-presidenti i Iranit, Abolhassan Banisadr

Ka vdekur në moshën 88-vjeçare, Abolhassan Banisadr, presidenti i parë i Iranit pas revolucionit të vitit 1979. Ai më pas ishte larguar nga vendi dhe ishte shndërruar në kundërshtar të qeverisë teokratike iraniane.

Në një deklaratë e lëshuar nga familja thuhet se Banisadr vdiq më 9 tetor në një spital në Paris dhe prej një kohe po vuante nga sëmundje, por nuk janë dhënë më shumë detaje.

Banisadr ishte president i Iranit gjatë krizës 444-ditore kur 52 amerikanë ishin mbajtur peng nga studentët radikalë. Ai po ashtu ishte presidenti i parë që u largua nga parlamenti, pas 16 muajsh në detyrë.

Banisadr u lind në Hamadan më 22 mars, 1933 dhe ka studiuar për financa në Paris pas Luftës së Dytë Botërore. Babai i tij ishte klerik i afërt me Ayatollah Khomeini, i cili më vonë udhëhoqi Revolucionin Islamik që largoi nga pushteti monarkinë e Iranit.

Banisadr raportohet se për herë të parë e ka takuar Khomeinin në funeralin e babit të tij më 1972.

Ai kishte qenë pjesë aktive e lëvizjeve në ilegalitet të studentëve, që kundërshtonin qeverinë e Shah Mohammad Reza Pahlavi dhe ishte arrestuar dy herë. Në kohën sa jetonte në Francë, ai ishte bashkuar lëvizjeve fetare të inspiruara nga Khomeini dhe më 1979 u kthye në Iran së bashku me Khomeinin një muaji pasi Pahlavi ishte larguar nga shteti.

Ai ka mbajtur postin e ministrit të Financave dhe atë të Jashtëm në qeverinë teokratike para se të zgjidhej president në shkurt të vitit 1980. Një vit më vonë, ai kishte mosmarrëveshje me Khomeinin, i cili, si lider suprem, kishte autoritet absolut në Iran.

Parlamenti i Iranit e rrëzoi nga pushteti Banisadrin më 21 qershor 1981. Ai u largua në Francë ku bashkëthemeloi Këshillin Kombëtar për Rezistencë të Iranit dhe u bë kundërshtar i zëshëm i Qeverisë iraniane, duke e akuzuar Khomeinin dhe pasardhësit e tij se janë përgjegjës për dhunën në Lindjen e Mesme.

Ai kishte dënuar shtypjen e protestave pas zgjedhjeve presidenciale të vitit 2009, që u fituan nga Mahmud Ahmadinejad.

Gjatë një interviste dhënë për Radion Evropa e Lirë më 2019, në 40-vjetorin e Revolucionit iranian, Banisadr kritikoi gjerësisht regjimin e Iranit dhe për mënyrën e mbajtjes së zgjedhjeve

“Jo vetëm që zgjedhjet në Iran nuk janë të lira, por ato gjithashtu poshtërojnë votuesit, sepse nuk ka liri për të garuar e as për të votuar”, kishte deklaruar ai.

Ai po ashtu kishte thënë se kolapsimi i regjimit iranian “është i pashmangshëm”. /REL/

Në trend Botë

Më shumë
Votimi kundër Kosovës në Këshillin e Evropës nga Mali i Zi, heshtin kryeministri Spajiq, ministri i jashtëm Ivanoviq dhe partia në pushtet “PES”

Votimi kundër Kosovës në Këshillin e Evropës nga Mali i Zi, heshtin kryeministri Spajiq, ministri i jashtëm Ivanoviq dhe partia në pushtet “PES”

Botë
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Evropa
Një veprim që ka

Një veprim që ka "fituar zemrat në mbarë botën" - oficeri i sigurisë në Mekë ndihmon pelegrinin me aftësi të kufizuara për të parë Qaben

Botë
Ukrainasit rrëzojnë aeroplanin ushtarak rus që kushton gati 80 milionë euro

Ukrainasit rrëzojnë aeroplanin ushtarak rus që kushton gati 80 milionë euro

Evropa
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Botë
Në Çeki zbulohet një rrjet propagande i financuar nga Rusia

Në Çeki zbulohet një rrjet propagande i financuar nga Rusia

Evropa
Kalo në kategori