LAJMI I FUNDIT:

Vdes aktori i “Nanny McPhee”, Raphael Coleman

Vdes aktori i “Nanny McPhee”, Raphael Coleman
Raphael Coleman (Foto: Getty Images/Instagram)

Aktori i filmit “Nanny McPhee”, Raphael Coleman, ka ndërruar jetë në moshën 25 vjeçare. Lajmin e ka konfirmuar njerku i tij, Carsten Jensen.

Ai ka thënë se aktori kishte rënë pa ndjenja pa probleme të mëparshme shëndetësore dhe nuk ka mundur të rikthehej në jetë.

Sipas postimit të Jensen në Facebook, ish-ylli i filmave për fëmijë nuk kishte pasur ndonjë sëmundje në të kaluarën.

Raphael Coleman në vitin 2005 (Foto: Gareth Cattermole/Getty Images/Guliver)

Coleman u bë i njohur me rolin e Eric Brown në filmin e vitit 2005, “Nanny McPhee”, ku luajti krahas Emma Thompson.

“Pusho i qetë djali im i dashur Raphael Coleman, i njohur si Iggy Fox. Vdiq duke bërë atë që donte, duke punuar për kauzën më fisnike që ekziston. Familja e tij është shumë krenare”.

“Të festojmë atë që arriti në jetën e tij të shkurtë dhe ta vlerësojmë trashëgiminë e tij”, ka shkruar nëna e aktorit Liz Jensen në Twitter. /Telegrafi/